Tit Budam u long uwei napdeng ki jait ba teimet ba la rep kylleng ka pyrthei bad u long uba ïaid ïew ruh khamtam ha ki sor heh ka ri India namar ba u long u jait tit uba tei met shibun. Une u jait tit u ïadei bha ban rep ha kane ka jylla jong ngi khamtam ha ki jaka ba kham khriat bad uba ki nongrep ki ïoh myntoi. Nalor kata, ka sboh (compost) kaba ladep thung ïa une u jingthung ka dang long kaba bha eh ban pyndonkam ha ka jaka ban pyndonkam da ka sboh eit/ñuit.
POR THUNG
Jaka syiad – Risaw haduh Lber
Jaka Khriat – Rymphang haduh Naiwieng
Ha ki jaka khriat, wat lada lah ban rep lajan baroh shi snem, hynrei ka jingmih ha ki bnai lyiur ka kham duna ban ïa kiwei pat ki bnai.
KI TIAR BAD JINGDONKAM HA KABA SHNA LANE PDEM SBOH
1. U skum kba.
2. Ki sboh dawai – dawai mluh (urea), dawai dpei (SSP) bad dawai shyiap (MOP).
3. U skop kew (Wheat bran), ka mithai lali (Gur) bad Gypsum.
4. Ka jingker (ba la shna da ki lyntang bad dieng pyniar) ba pyndonkam ha kaba lum bad kynton ia u skum kba ba un kylla sboh. Ka jingheh kumba kdew harum:-
Thep ia ka sboh ha kine ki pla bad tynrong ia ki ha ki rynsan kumba la kdew haneng.
1. Ka kor kynshait um (sprayer).
2. U Thermometer (stirring rod type : 0-50 degree centigrade) – u ban pyni ia ka jingshit ne jingkhriat jong ka kamra bad ka sboh.
KA RUKOM REP
Ka rukom rep tit budam ka kynthup ia ki saw bynta ba la kdew harum:-
I. Ka rukom shna lane pdem sboh.
II. Kaba bet lane pynpur symbai.
III. Ka rukom ai khyndew.
IV. Ka rukom sumar ha ka por soh.
KA RUKOM SHNA LANE PDEM SBOH.
Ïa kane, donkam ka jinghikai kaba bniah bad thikna bha (lah ban ioh jingtip kham bniah na ka office shna symbai ba la kdew haneng) khnang ba u nongrep un sngewthuh ia ki jingdonkam ha kaba pynmih ia ka sboh ba janai, kaba long ka jingbam ia u tit.
Ka shim por kumba 25-28 sngi ia u skum kba ban kylla sboh haba ai ryngkat ia ki sboh dawai bad kiwei kiwei de ki jingdonkam kiba dei ban khleh lang bad ai ha ka rukom bad jingthew kumba la kdew harum:
1. U jyntang kba – 1 ton
2. Sboh mluh (Urea) – 9 kgs.
3. Sboh dpei (SSP) – 7.5 kgs.
4. Sboh shyiap (MOP) – 7.5 kgs
5. Skop kew(Wheat bran) -7.5 kgs
6. Mithai lali (Gur) -12 kgs
7. Gypsum -75 kgs
