Ki Micronutrient ki dei ki nutrient kiba ka met jongngi ka donkam ha ka jingtreikam ha kiba bun ki liang, hynrei kine ki nutrient ki dei kiba ym shym la lah ban thaw bad pynmih hi da ka met. Ka met jongngi ka shaniah ha ki jingbam ba ngi bam na ka bynta kum kine ki micronutrient. Kawei napdeng ki nutrient ba ka met jongngi ka donkam halor ka jingtreikam kum ka jingsait pynkhuid hapoh ka met, ka jingaibor ka met met bad ka jingpynmih ka collagen ka dei ka Vitamin C. Kane ka vitamin a dei kaba don ha kiba bunjait ki jingbam kum ki soh citrus – naduh u soh Ñiamtra bad sohjew, ki sohmynken jhur kiba siaw, kiwi napdeng kiwei de.
Hapdeng ba ka Vitamin C ka paw ba ka long kaba kongsnan halor ka jingtreikam hapoh ka met, kiba bun ki briew ki kwah ban pynthikna halor ka jingpyndap biang pura ïa kane ka vitamin. Lada ki sngew ba duna bal ah ban pynrung na ki jingbam ba ki bam ki jied ruh ban dih da ki dawai ba don kane ka vitamin. Hynrei ki don ruh lehse kiba pynrung bun palat kane ka vitamin ha ka jingpyrshang ban pynthikna ka jingbiang ban don kane ka vitamin ha ka met.
Kaei kaba phi donkam ban tip halor ka jingdonkam ka met ïa kane ka vitamin bad kaei kaba jia lada palat na kaei ba ka dei ban don.
Katkum ka jingbthah kiba la heh la san ki donkam ban pynrung kane ka vitamin hapdeng 65 haduh 90 milligrams. Kaba jur palat ka paw ba kot kumba 2,000 mg ha ka shisngi.
Ka bynta kaba bha halor kane ka vitamin ka dei ba kane ka vitamin ka ïapher na kiwei pat ki vitamin kiba paw halor ka dur jong ka fat-soluble, lada palat kane ka lah ban ktah ïa ka koit ka khiah ka bor met, katba ka Vitamin C ka dei ka vitamin kaba um. Kumta lada jur kane ka vitamin kam shym ktah satia ïa ka met jongngi.
Ka jingjia kaba mih haba bun palat ka Vitamin C hapoh ka met
Ngi tip bha ba lada kino kino ki jingban wat lada ki dei kiba bha bad kiba koit ba khiah, hynrei lada ka la palat ïa kaei ba ka met ka donkam, ka lah ban wanrah ïa ka jingshah ktah ha kaba ïadei bad ka koit ka khiah jong ka met.Lad jur ka jingpynrung bun palat kane ka Vitamin C, phi lah ban paw halor ka jingpynrung kham bun, kaba ym don jingktah ei ei satia. Kane ka mut ruh, ba kam don jingmyntoi satia halor ka koit ka khiah wat lada phi pynrung bun kane ka vitamin ban ïa kaba dei ban long. Lada jur kane ka vitamin ka mih noh ruh na ka met jongngi.
Hynrei lada ka jingpynrung ka vitamin C ka long shaba palat kaba palat ïa ka 2,000 mg, ka lah ban ktah ïa ka koit ka khiah jong ka kpoh. Ki don ruh kip or ba skahi ba kito kiba mad ka jingpynhiar kpoh bad prie na ka daw ka jingjur palat ka vitamin C.
Ki don kiba pynpaw bad kdew ba lada jur palat kane ka vitamin ka lah ban long ka daw halor ka jingdon maw ha ki khyllai. Ki maw ha ki khyllai ki dei kiba la thaw bad pynlong da ki calcium oxalates, bad ki oxalates ki dei kiba don ha ka Vitamin C. Ka jingdon maw ha ki khyllai ka dei kaba lah ban pynshitom bad wallam ka jingpang bad ka jingsuh, kumta ka long kaba donkam ban khmih pyrman halor ka jingpynrung ka vitamin C.
Ki daw halor ka jingrung bun ka vitamin C :
Phi lah ban pynrung bun ïa kane ka vitamin lada phim shim la khmih siar halor kaei kaba phi bam. Kawei napdeng ki lynti kiba kongsan ban pynduna ka jingma ka dei ka jingpule ki jingbatai ba la thoh ha ki song jong ki jingbam ba phi bam, ne wad jingtip ruh halor ka jingdon ka vitamin C ha ki jingbam ba phi ju kham bam.
Ka jingdih ki dawai ba don kane ka vitamin lada ka met ka la biang ka jingdon kane ka vitamin ruh ka lah ban pynjur ka jingdon kane ka vitamin. Ka long kaba donkam ban kylli shuwa na ki doctor lada phi don jingmut ban dih kine ki dawai.
