Hapdeng ba paw ka jingriewspah ka jingdon ki antioxidant bad ka fat soluble vitamin, ka Vitamin A ka dei kaba paw baka long kaba kongsan tam ha ka jingtreikam hapoh ka met u briew. Kumba treikam ki antioxidant, ka Vitamin A ruh ka dei kaba ïarap ban pynduna ka jingkiew ka jinglong tyrha bad ka jingdon ki phlia jakhlia ha ka met. Kiwei de ki mat treikam kane ka vitamin ki kynthup halor ka jingkhlaiñ bor jong ki shyieng, ka pynduna ka jingshah ktah hapdeng ba la noh ka rta, ka jingtreikam jong ki gene, ka jingaibor ïa ki bor ïohi, ka koit ka khiah ki sniehdoh, ka jingtreikam jong ki cell bad ka jingaibor ka bor met. Ka jingduna ban don ka Vitamin A ka dei kaba ktah shibun ha ka liang ka koit ka khiah bad donkam ban shimkhia ban lait na kane ka jingshah ktah.
Kine harum ki long ki jingbam ba riewspah ban don ka Vitamin A :
U Phankaro : U Phankaro u dei uba riewspah ha ka jingdon ka vitamin A bad ba riewspah halor ka jingdon ka fibre haba ïanujor bad ki Phan lieh. Kine ki dei kiba ïarap halor ka jingtylliat jingbam bad pynduna ka jingma ban ngat ha ka jingpang shini bad ka jingpang klongsnam. Ki dei ki thymmei kiba riewspah halor ka jingdon ka carbohydrate bad kyntiew ruh ka jingtreikam hapoh ka met. Ki dei kiba pynduna ka jingthngan bad lah ban pynbiang ka jingkhia.
Ki Soh apricot kiba la tyrkhong : Ki Soh apricot ki dei kiba riewspah halor ka jingdon ka vitamin A hapdeng ba don ka carotenoid beta-carotene. Ka Vitamin A ka dei kaba aibor ïa ka bor met bad ai jingmyntoi na ka bynta ka sniehdoh. Phi lah ban kynthup ïa kine ha ki jingbam pynmyllen ha ka por janmiet, ki jingbam jhur im bad ki jingdih.
Ka khangai pylleng : Ki jingbam kum ka pylleng bad ka khangai pylleng ki long ki thymmei halor ka jingdon kiba bunjait ki vitamin bad lah ruh ban pyllait naka jingduna ban don ka Vitamin A. Ka pylleng ka ai jingmyntoi halor ka koit ka khiah jong u klongsnam. Ka pylleng ba riewspah ha ka jingdon ka protein ka dei kaba kynsai halor ka jingtei ki dohksah bad ka jingmaramot ïa ki tissue. Ka pylleng ka ïarap ruh n aka bynta ka jinglah ban pynhiar ka jingkhia hapdeng ba ki pynneh slem ka jinglong kdang. Phi lah ban bam da ka pylleng hapdeng ka jingjied ban bam jingbam step.
U Kajor : U Kajor u long u thymmei halor ka jingdon ka Vitamin A ha ka dur jong ka beta-carotene. Kane ka dei ka antioxidant kaba kongsan tam naka bynta ka koit ka khiah. Lada phi bam kajor manla ka sngi ka lah ban ai jingmyntoi halor ka bor ïohi, ka jingkyntiew ka bor met bad ka jingdap ban don ka fibre kaba lah ban ïarap halor ka jingtylliat jingbam. Phi lah ban kynthup ïa u Kajor ha ka pudding, ki jingbam jhur im, ka syrwa bad kiwei de ki rukom shet.
Ki Soh Mynken jhur : Sa uwei pat u jait jhur ba jur ka jingdon ka Vitamin A u dei u Sohmynken jhur. Une u jhur phi lah ban ïoh ha ka rong jyrngam, stem bad saw bad uba kynsai ka jingaibor ïaka bor met, ka bor ïohi bad ka sniehdoh.
