Ka um klong ka long kawei napdeng ki jingdih kaba lah ban ai jingmyntoi shibun ha ka liang ka koit ka khiah. U klong u dei uwei napdeng ki j ait jhur ba dap da ka jingdon ki bynta ba ai jingmyntoi shibun ha ka liang ka koit ka khiah. U dei uba phi lah ban shet jingtah. Ka lynti kaba myntoi tam ban bam ïa une u jhur ka dei da kaba shu dih da ka um. Ka um jong une u jhur ka dei kaba kham paaw halor ka jinglah ban ai jingmyntoi bad ïarap ban pynduna ka jingkhia.
Ka jingmyntoi ha ka liang ka koit ka khiah na ka jingdih ka um jong u klong : Ka jingmyntoi halor ka jingtylliat jingbam : Ka um jong une u jhur ka dei kaba dap da ka jingdon ka fibre. Ki jingbam ne ki jingdih kiba dap da ka jingdon ka fibre ka dei kaba lah ban ai jingmyntoi halor ka jingtylliat jingbam. Ka jingdih ka um jong une u jhur ka ïarap ban pyllait na ka jingeh kpoh.
Ka jingpynneh ban don um ha ka met : Ha ka por lyiur phi donkam ban dih shibun ki kynja um bal ah ban pynbiang ka jingdon um ha ka met. Ka um jong u klong ka dei ka jingdih kaba lah ban pynbiang ka jingdon um ha ka met. Ka dei kaba lah ban wallam ka jinglong pyngngad bad lah ban pyllait na ka jingtyrkhong ka met. Ka dei ka jingdih kaba kynsai bal ah ban pynkhuid ka jingdon ki jakhlia ha ka met. Phi lah ruh ban ïoh jingmyntoi na ka bynta ka sniehdoh.
Ka jingdih kaba phi dih hadien ba la dep kilan met : Ka um klong ka dei ka jingdih kaba phi lah ruh ban dih hadien ba la dep ban kilan met. Kane ka jingdih ka don khyndiat ka shini bad kiba bunjait ki nutrient. Kane ka lah ban ïarap maramot hadien ba la dep kilan met.
Ka koit ka khiah u klongsnam : Kane ka um ka dei kaba bha bad ai jingmyntoi na ka bynta u klongsnam. ka dei kaba lah ban tehlakam halor ka hypertension ba wallam ka jingbha na ka bynta ka koit ka khiah.
