Shillong, Naitung, 02: U Symbud Myntri Rangbah ka Jylla uba khmih ïa ka tnat Kam Pohiing Bah Prestone Tynsong u la ong ba u pud u sam hapdeng ka jylla Meghalaya bad Assam ïa mynta ki shongsuk hadien ka jingpyrshang ban pynbeit ïa ki jinglong jingman ha ka shnong Lapangap.
Ha ka jingïakren bad ki lad pathai khubor ha ka sngi Balang, u Bah Tynsong u la ïathuh ba ladep buh ïa ka Temporary Police Camp kaba don kumba 30 ngut eiei ki Pulit ki ban pynneh ïa ka shongsuk shongsaiñ baroh arphew saw kynta.
U Bah Tynsong u la bynrap ba ka Assam ruh ka la buh ïa ki Pulit ha ka bynta hap sha u pud u sam lajong.
U la pynpaw ka jingsngewskhem ba ka jinglong jingman ka la jaijai biang bad u Myntri Rangbah ka Jylla un sa ïakren ïa kane ka kam bad u Myntri Rangbah ka Assam ban pynbeit shuh shuh ïa kino kino ki kam kiba dang sahteng.
“Ha,oid, u Myntri Rangbah un sa rah ïa kane ka mat bad u Myntri Rangbah ka Jylla Assam. Ym tang katta, ka la don ruh ka jingïakren lyngba ka telephone (hapdeng ki arngut halor katei ka mat)”, la pyntip u Symbud Myntri Rangbah. Haba kylli la ka Sorkar ka thmu neem ban tei ïa ka Police Camp bapura, u Bah Tynsong u la ong ba yn sa bishar bniah la ka i donkam neem ban pynkylla ïa ka jaka sah ba shipor sha ka jaka sah ba pura ynda ka jinglong jingman ka la jaijai.
Ïa mynta, ka jingbuh ïa ka Temporary Camp ka long ban pynneh ïa ka shongsuk shongsaiñ ha ka thaiñ, u la bynrap.
