Mawkyrwat, K’lyngkot, 20: U Deputy Commissioner (Excise), South West Khasi Hills District ,Mawkyrwat u la pynbna ba kat kum ba la pynkup bor hapoh ka section 324(A) M.E.Act (Assam Excise Rules as adopted) la pynbna ïa ka 26 tarik u Kyllalyngkot, 2023 kaba dei ka Republic Day kum ka sngi tyrkhong kyiad ha baroh kawei ka South West Khasi Hills District.
Namarkata la bthah ba baroh ki dukan die kyiad ha ka distrik kaba kynthup naduh ki IMFL shops/Bars/Hotels/C.A. Bars/C.S. Shops hahuh ki dukan die madan (die kyiad) kin khang ha katei ka sngi bad lada don mano mano ba ïaleh pyrshah ïa katei ka hukum kin hap hapoh ka jingpynshitom katkum ka Excise Rules bad Acts.
