Shillong, Nailar 25: Ka President jong ka ri, ka Droupadi Murmu kan pynkup burom da ka “National Award to Teachers 2022” sha 46 ngut ki nongioh khusnam ha ka 5 tarik Nailur 2022 ha Vigyan Bhawan ha New Delhi.
Na Meghalaya, don tang iwei i ban ïoh ïa Khusnam bad kane ka long ka Gamchi Timre R. Marak, Head Teacher, Educere Higher Secondary School, East Garo Hills kan long ka nongïoh ïa ka National Award.
Ka Tnat School Education & Literacy, Tnat Pule puhi jong ka sorkar pdeng ka ju pynlong ia ka jingialang halor ka Teachers Day kata ha ka 5 tarik Nailur man ka snem ban pynkup burom da ki khusnam jong ka ri sha ki nonghikai ba tbit jong ka ri, kiba la jied lyngba ka jingshai bad ka rukom jied online kaba lai bynta.
Ka jingthmu jong ka jingai khusnam sha ki nonghikai kalong ban rakhe ia ka jingnohsynniang ba kyrpang jong ki nonghikai ha ka ri bad ban pynkup burom ia kito ki nonghikai lyngba ka jingtrei shitom jong ki ym tangba ka la kyntiew ia ka jinglong ka pule puthi ha ki skul hynrei kaba la long ka jingmyntoi ia ka jingim jong ki khynnah pule jong ki.
Ia kane ka prokram yn sa pyni live ha Doordarshan bad ki Swayam Prabha Channel jong ka Tnat Pule puthi jong ka sorkar pdeng bad yn pyni live ha ka https://webcast.gov.in/moe.
