Ka NEP 2020 kan nym pat treikam ha ki College bym pat kloi ban sdang
![](https://mawphor.com/wp-content/uploads/2022/07/mawphor-1.jpg)
Shillong, Naitung 24: U Myntri ka tnad pule puthi ka sorkar Jylla, u Rakkam Sangma, u la ong ba wat lada ka NEHU ka la ong ban pyntreikam noh ia ka National Education Policy naduh u bnai ban wan, hynrei na ka bynta ki College bym pat kloi ban pdiang,ki lah ban sdang ha u snem ban wan ruh.
Haba iakren bad u Nongthohkhubor, u Rakkam, u la kubur ba bun ki College kiba la pynpaw ba kim pat kloi ne pdiang ban pyntreikam ia ka NEP 2020 mynta ka snem.
Dei namar kane ka daw ruh ba ka Sorkar ka la thoh sha ka University ban ailad tang pyntreikam tang ia kito kiba la long kiba kloi bad kito kiba lah pdiang ban pyntreikam.
Lah ban kdew hangne ba na ka liang ka Meghalaya College Teacher’s Association(MCTA) ka NEHUSU ne ka Seng ki Samla pule NEHU bad ka Seng VPP ki la pyrshah ia kane ka jingthmu ka NEHU da kaba pynpaw ba ki College ki dang ïakynduh bun ki jingeh.