Ka ‘Meghalaya Through the Prism of the Youth’ dei ka kot ba pyni ïa ka jingphylla ka Meghalaya

Shillong, Ïaïong 26: Ka kot kaba la ai kyrteng ka, “Meghalaya Through the Prism of the Youth,” kaba rakhe bad pyni ïa ka jinglong phylla jong ka Meghalaya, la pyllait ha ka prokram kaba kyrpang kaba la long ha Army Public School Shillong ha ka sngi Thohdieng.
Ka kot kaba ïeng ym tang ka jingriewspah ha ka jinglong ba kyrpang halor ka jingdon ba shalyndet bad ïa kane ka kot la thoh da ki samla pule, Army officer bad ki ïing ki sem jong ki, bad ki nonghikai jong ki skul, kaba la pynlong ïa ka first literary project kaba lah ruh ban pyndonkam ha kino kino ki skul, bad ïa kane ka kot la pyllait da u Myntri ka tnat Jngohkai pyrthei u Bah Paul Lyngdoh.
Ha ka jingkren, u Bah Lyngdoh u la ïaroh ïa ka bor kaba don sha lyndet ba la thaw ïa kane ka project bad u la banjur halor ka jinglong kordor kum ka dak ka jingïalong kawei, ka jingnang jingtip bad kiwei ki kam.
Hadien ba la sdang da u Brigadier Sandeep Dhupar, Chairman ka Army Public School Shillong, ha kane ka kot la thoh shaphang ki landscape ka Meghalaya bad kaba la wanrah ka jingshai ïa ki jaka ba khlem pat don kiba tip kiba don shalyndet jong ki kam jngohkai.
Ka “Meghalaya Through the Prism of the Youth” kan pynlong ïa ki nongpule ba kin ym lah klet ïa ka jingïaid lynti lyngba ka mariang kaba itynnad, ki jingïapher ha ki kolshor bad ka jingriewspah ka mei mariang jong ka jylla.
Kane ka kot ka pynpaw ruh ïa ki dur ki dar kiba pher jong ka jylla Meghalaya na ki liang kiba bun rukom.
Kane ka kot kam dei tang ka jinglum ïa ki kyntien ne ki jingbatai, hynrei ka ïarap ban nang ban tip wat shabar na ki kamra klas kiba la lum thup da ki khynnah pule ka APS Shillong, kaba long ruh halor ka nongrim ka jingleit jong ki sha ki jaka bapher bapher. Lyngba kane ka jingsdang, ki samla pule ym tang ba ki tip shaphang ka biology, geography, history or sociology, hynrei ki kheiñ kor bad burom ïa ka kolshor, ka jingdonkam bad ka jingpynneh bad ki jingkmen halor ki jingshem jong ki.
Ha kane ka prokram la don ruh ka jingpyni ïa ki prokram kolshor ha ka riam Khasi, Jaiñtia bad Garo kumjuh ruh ki jingshad jong kiwei pat ki jaitbynriew kiba don ha ka ri India.
Kiwei pat ki heh ki haiñ kiba la don ha kane ka prokram ki long u Lt. Gen. Sanjay Malik SM, GOC 101 Area bad Senior Patron of Army Public School Shillong, ka Nivedita Malik, Zonal President, AWWA, HQ101 Area, u Maj. Gen. Rajesh Kumar Jha AVSM (Retd), Director (Personnel) NEEPCO, Brigadier Pawan Bhardwaj YSM, Patron of Army Public School Shillong bad Brigadier Sandeep Dhupar, Chairman of Army Public School Shillong.