Ka Market Complex ha Mawsynram ka ladep hynrei ka Council kam pat lah ban plie: Alvin

Shillong, Jylliew 19: U MDC ka NPP na Mawsynram Constituency u Bah Alvin Sawkmie u la pynpaw ba ka jingdon jong ki ïew ka long ka jingkyrkhu ïa ka Khasi Hills Autonomous District Council hynrei u la pynpaw ka jingbynniaw halor ka jingbym lah ban plie noh ïa ka Market Complex kaba la deo ban tei ha Mawsynram.
Haba kren halor ka jingïatai halor ka mang tyngka, u Bah Alvin u la ba ka KHADC kam pat lah ban plie noh ïa ka Market Complex ba lah dep tei ha Mawsynram khnang ba kan long ka jingioh nong ïa ki paidbah.
Shuh shuh u Bah Alvin u la kyrpad ïa u CEM ban mang tyngka shuh khnang ban lah ban bteng ha ki ar mala ne lai khnang ba kan long ka jingïar jong ka Council.
Ha kaba iadei bad ka jingshah weng nog u Acting Chief jong ka Hima Malai Sohmat bad thung pat da u Administrator na KHADC, u Bah Alvin u la ong ba kane kala wanrah ka jingeh ba khraw ïa ki paidbah.
U Bah Alvin u la ong, “Nga kyntu ïa ka EC ba kan shim khia namar ba ki paidbah ki kynduh jingeh namar ba lada donkam iba rit eh ruh hap ban wankiew shaduh Shillong bad kane ka ktah shisha ia ka jinglut jingsep”
Shuh shuh u Bah Alvin u la ong ba u Administrator u tip aiu ha kaba ïadei bad katei ka dong ka thain.
Ha kaba ïadei bad ka Professional Taxes u la pynsngew ba ki don ki don ki skul bad ki nonghikai ki ioh pdiang ïa ki shithi pynkynmaw hadien 20 snem ban siew ïa ka Professional Tax bad kane ka buh jingeh ïa ki nonghikai bad ki skul.