Jowai, Lber 31: Ka Sengkhihlang kumba ju pynlong ïa ka Lympung ka jong ka ha manla u snem hapoh ka bri u hynñiewtrep u hynñiew skum mynta u snem ruh ka Sengkhihlang kan pynlong ïa ka Lympung ba 35 jong ka ha ka Shnong Laitryngew ha ka tarik 18/19/20-04-2025.
Kane ka Shnong Laitryngew kaba hap hapoh ka Sengkhasi Sohra Circle East Khasi Hills District, kumta ka Sengkhihlang ka khot ka wer ïa baroh ki khun ka Seng Khasi na ki tnad Seng bapher bapher bad kumjuh ruh ïa ki khun ka Seiñ Raij na ki tnad Seiñ Raij bapher bapher na ka Ri ki 12 Dalloi bad ki 30 phew Syiem ba kin sngewbha ban ïawan ha ryngkat bad ka shad ka kmen ka rwai ka siaw bad ki Riam tynrai sha kane ka Lympung ba 35 ka Sengkhihlang. Ka jing jngai jong ka lynti na Sor Shillong haduh ha Laitryngew ka long 43 Kilometre.
Kumta ha ka juh ka por ka Sengkhihlang ka khot ka wer ruh ïa ki Dalloi, Pator, Syiem, ki President/Secretary jong ki tnad Sengkhasi bad Seiñ Raij bapher bapher.
Ïa u Mawbynna Sah Nam jong kane ka Lympung ba 35 jong ka Sengkhihlang yn wanrah da ka Seiñ Raij Umladkhur na Riwar Jaiñtia, ïa u Mawbynna Sah Nam yn rah ïa u ha ka sngi 18/04/2025 naduh ka por 7:00 baje mynstep bad yn ïaid lynti kat haduh ban da poi ha ka Shnong Laitryngew ha ka por 4:30 baje janmied.
Kane ka long katkum ka jingpyllait khubor u Rgh. S. Sari General Secretary Seng Kur Sari Sengkmie, Meghalaya.
