Shillong, Jymmang: Ka Dorbar u San Kur u Khatwei Kur ka Raid Mylliem ha u kyrwoh lyngba u Myntri MB Kharlukhi ki pynbna ba ka lehniam jong ka Raid Mylliem ïa ka ba yn pyndep ha Mawnarian bad ha Lum Shyllong, kan sdang ha ka 16 tarik mynta u bnai (Nongkrem) bad kan kut ha ka 21 tarik mynta u bnai (Umni) ha ka por 9 baje mynstep. Ka Dorbar ka pynpaw ba kane ka jingleh niam kam mut kam thew tang ïa u San Kur u Khatwei Kur jong ka Raid Mylliem bad ïa u khun u hajar jong ka Hima Mylliem bad jong ka Raid Mylliem kumjuh, hynrei ka kdup bad ka kynthup ïa baroh ki khun ki ksiew jong u Hynñiew Trep Hynñiew Skum, Hynñiew Pansngiat u Hynñiew Panpoh ha shibyndar jong ka Ri u Laiphew Syiem bad Khat-ar Doloi.
