Nongstoiñ, Jymmang 29: Kum shibynta ban kyntiew shuh shuh ïa ki riew donsap ha ka tem ka put, ka shad bad ka rwai tynrai bad ruh ban plie lad ïa ka jingïashimbynta jong ki ha ki tamasa, ki prokram bad ki workshop ki bapher bapher ba ju pynlong ha ka jylla bad ha kylleng ka Ri India, ka tnat Arts & Culture jong ka sorkar jylla ka khot aplikeshon na ka bynta ki riew shimet bad ki kynhun kiba ju rwai, tem bad shad tynrai ba kin pynïasoh ïalade (empanel) bad kane ka tnat sorkar.
Kino kino kiba don jingmut ha kane ka bynta ki lah ban leit shim ïa ki aplikeshon na ka ophis jong ka Directorate of Arts and Culture, Shillong lane na ka ophis jong u Deputy Commissioner ka Eastern West Khasi Hills District, Mairang ha ki por long trei bad ka tarik ba khatduh ban pynpoi ïa ki phom aplikeshon ba lah dep pyndap ka long ha ka 31 tarik u Jymmang 2023
