Ka khieshohrih kadei ka jingpang kaba la pynsa-phriang da ka jingdait jong u skaiñ pyrjong.
Ka khiehshohrih ka long ka jingpang kaba ma. Ka pynkhie shit bad ka lah ban shim ïa ka jingim, khamtam ha ki khyllung bad ki kynthei ba armet.
Ïada na ka khieshohrih da kaba thiah ha ki jingthiah ba ba la ker da ki musari ba la pdem ha ki dawai pyniap khniang kiba pyniap ïa ki pyrjong bad ki ba khanglad ïa ki na kaba dait ïa kito kiba thiah hapoh jong ki.
U pyrjong ba kit jingpang khiehshoh u ju dait ha ki por shwa ban sep ka sngi haduh mynstep shwa ban mih sngi.
Haba ki khyllung khynnah ki ioh ïa ka jingpang khieshohrih, ka jingheh jingsan jongki ka suki bha.
Don lai jait ki dawai pynïap khñiang ba shu kynshait kiba lah ban pynïap ïa ki pyrjong ba kit jingpang khieshohrih: kiba lah ban pyndonkam hapoh ïing, ha ka lyer, bad halor ka um.
Ki dak ka khieshohrih ki dei ka jingpang shit, ktha khlieh, pang dohksah, pang kpoh bad ka suhkhriat. Ka jingleh ïa ki test bad ka jingïoh jingsumar ha ka por kaba biang ka ïada na ka jingïap.
Ïa ka khieshohrih lah ban ïada bad sumar da kaba dih ïa ki dawai kum ba la bthah ki doktor.
U ’ñiang khieshohrih u im ha ka snam ki nongpang, bad kane ka wallam ïa ka jingduna snam. Kane ka pynlong ïa ki briew ban tlot ban swai.
Ki dawai khieshohrih ki lah ban ïada bad pynduna ïa ka khieshoh bad ka jingduna snam ha ki jaka bad ha ka por ba ka khieshoh ka ktah ia kiba bun ha shnong.
Kine ki khubor ka koit ka khiah ki dei ki ba la bishar bad pynjanai da ki riew shemphang ka koit ka khiah bad phi lah ban shem ia ki ha ka ORB health website.
Kine harum ki long khyndiat ki jingai jingmut shaphang kiei kiba ki khynnah ki lah ban leh khnang ba kin snghewthuh khambha ia ka phang bad ba kin ia sam iaka khubor bad kiwei.
