Bun nangi, ngi ju mad ka jingsngewsih, ka jingsngew kynjah marwei bad banbor ka jingmut jingpyrkhat ha ki tengkhat jong ka jingim.
Hynrei lada kine ki jingsngew ki long sha ba palat ki lah ban pyni ki dak jingshitom ha ka bor met bad lah ban neh kham slem. Lada jur kine ki ktah ruh ha ka long ka man ka jingim ba manla ka sngi. Kumta ka long kaba donkam ban sngewthuh halor ka jingshah banbor ka jingmut jingpyrkhat kum kawei napdeng ki dak jingshitom ka bor jabieng kaba u briew um dei ban shu kun bad sngap tang halade. Kawei napdeng ki dak jingshitom ba kham kynrei halor ka jingkhuslai ka dei ka jingdon ka jingsngew bynñiaw ha ka jingim bad ka jingsngewsih lynter. Kham bunsien ka jingsngewsih ka dei kaba lah ban sakhi khlem kut haduh artaïew kynthih, hashuwa ban ai rai ba don hapdeng ka jingkhuslai. Kane ka khleh lang ruh ba ka jingduna ban don ka jingsngewsuk bad ka mon.
Ki dak jingshitom halor ka jingkhuslai :
Ka jingduna ka jingthngan bad ka jinghiar kynsan ka jingkhia
Ka jingjur ka jingthngan bad ka jingkiew ka jingkhia
Ka jingduna thiah ne thut thiah ne thiah shaba palat ne jur ka jingshoh samthiah. Ha ka jingkhmih katkum ka jingsumar halor ka jingkhuslai ka dei ka jingkhie thiah kloi hapdeng ba u briew u thiah katkum ka por hynrei u lah ban khie bad kyndit shuwa ka ar kynta ban ïa ka por ba u ju khie bad kyndit thiah.
Ka jingduna balah ban pynleit jingmut
Ka Cognitive triad jong ka jingkhuslai : Ka jingsngew duh mynsiem, duh jingkyrmen bad ka jingduna ka jingsngew kordor ka jingim. Hapdeng ba kane ka jingkhuslai ka nangjur, ki don ki lai jait ki bynta kiba wanjia. Kine ki dei kiba la tip kum ki cognitive triad. Ka pynlong ïa u briew ban ym don jingkyrmen. Haba khmih ïa ka lawei bad u shem ba u don ka jingdum kumba u im ha kata ka khyllipmat.
Kumjuh ruh ka don ka jingïanujor ïalade bad kiwei pat bad shem ba halade ka long kaba dap da ka jingduna suda. Ha kane ka kynti ka don ka jingsngew bay m don jingmut ha ka jijngim ne kaba ym sngew don jingmut satia.
U briew u don ka jingsngew shah set kut, kaba sngewduh jingkyrmen bad kaba ym lah shuh na ka jingh ba u mad. Lada kine ki lai jait ki dak jingshitom ki paw ka dei kaba pyni halor ka jingkhuslai. Ka bud pat sa ka jingsngew ba ka jingim jong u kam don jingmut satia.
Ka jingkhuslai ka lah ban long ka daw jong ka jingpynïap :
Na ka bynta uno uno u briew uba ym pat da noh ka rta bad don hapdeng ka met ba koit ba khiah un ym ïap satia na ki daw ba u dei ban ïap. Hynrei namar ba u sngewngiah ïa ka jingim bad shem ba um don jingkyrmen halor ki daw kiba lah ban pynbha bad janai pat ha ka jingim jong u. Kum kine ki lah ban don ka jingmut ban pynmynsaw pat ïalade.
Kumba 95% napdeng kito kiba bthat jubor la ka jingim bad pyrshang ban dkhat jubor la ka jingim, ki dei kiba ju pyni ki dak jingshitom ba shah ktah ha ka liang ka bor jabieng, bad ka jingkhuslai ka dei kaba kham kynrei.
Lada don kiba jan bad phi kiba pynpaw halor ka jingngiah la ka jingim bad kim kwah shuh ban im, dei ban shim ba ka paw ka dak jong ka jingïam ban ïoh jingïarap. Ha kum kane ka kynti ki paralok bad kiba haïing hasem kim da lah ban leh ne ai jingïarap kaba thikna. Kam long kaba bha ruh ban khmih lynti tang na kiba haïing hasem bad ki paralok kiba lah ban pynkoit na kane ka jingshitom, hynrei kaba donkam bad dawa ka jingsumar kaba dei kumba paw halo r ka jingshah sumar na ka jingpang hearth attack. Ka jingma kaba kham bunsien la sakhi ka dei ka jingim ryngkat bad kane ka jingshah ktah ha shilynter ka jingim.
