Ka jingpynshai kaba wan na ka ophis jong u ERO Rymbai Doloiship na ka bynta ban pynlong ka jingjied Doloi hapoh ka Elaka Rymbai

Khliehriat, Risaw 28 : Ka ophis jong u Electoral Registration Officer, Rymbai Doloiship Election jong ka Jaiñtia Hills Autonomous District Council ka pynshai paidbah ha kaba ïadei bad ki kam ban jied ïa u Doloi ba pura hapoh ka elaka Rymbai, namar naduh ba khlad u Pa Doloi (L) Elios Swer uba la khlad ha ka jingngam jyllop ha ka wah Prang naduh ka 19 tarik nailur 2019, ki bor pynïaid ki la thung ïa u ma Lambert Swer ban long kum u Acting Doloi ba shi por.
Katkum ka jingpynshai, la ong ba ka Executive Committee jong ka Jaiñtia Hills Autonomous District Council, Jowai kaba long katkum ka jingpynïaid jong ka Executive Committee jong ka Decision No 2 Dt 7/6/2022 ka la rai ba kan sa pynlong ïa ka jingïa jied ïa u Doloi ba pura hapoh ka Elaka Rymbai bad mynta ka jingpynkhreh ka dang ïaid shaid shaid.
Ia ka election roll kan long katkum kine ki tarik harum
Katkum ka jingpysnhai la ong ba naduh ka 31 tarik u nailur 2022 haduh 16/9/2022 ka ki dei ki tarik ban pynrung ïa ki kyrteng jong ki nong thep vote, nangta pat ha ka 20 tarik u bnai bnai risaw 2022 yn pynmih ïa ka draft electoral roll bad naduh ka 29/10/2022 haduh 15/11/22 kin dei ki tarik ban pdiang ïaka jingpynrung kyrteng, ki jingpynbeit ïa ki kyrteng bad kino kino ki jingujor, ïa kine lah ban leh da kaba pyndap ïaka form 1, ka Form 1A bad ka form 1B, ïa kine ki form ban pyndap lah ban ïoh na ka ophis jong u Electoral Registration Officer, Rymbai Doloiship, JHADC bad ka dor jong ki form ka dei T20 tyngka kawei.
Nangta pat, ha ka 18 tarik u naiwieng 2022 ki bor pynïaid jong katei ka ophis kin pynllait ne pynmih ïa ka Final Electoral Roll Copy bad ïa kane lah ban thied ha ka dor T500 tyngka kawei na ka bynta ki Polling Station na ka bynta ban jied ïa u Doloi ba pura jong ka Elaka Rymbai.