Ka jingpynsam paidbah ïa ki Enumeration Forms ka la kynjoh 99 persen ha South West Khasi Hills

Mawkyrwat, Naitung 17: Ka District Administration, South West Khasi Hills District, ka pyntip sha baroh ki paidbah ba ka kam Special Intensive Revision (SIR) jong ka Electoral Roll 2026 ka dang ïaid shaphrang bha ha baroh kawei ka district.
Katkum ka jingïoh lum jingkheiñ kaba dang shen, ka jingpynsam paidbah ïa ki Enumeration Forms ka la kynjoh 99.49 persen ha ka district baroh kawei. Na kane, 98.96 persen la sam ha ka 35-Ranikor (ST) Assembly Constituency, katba 99.99 persen la sam ha ka 36-Mawkyrwat (ST) Assembly Constituency. Ha kajuh ka por, ka kam digitization jong ki Enumeration Forms ka la kynjoh 47 persen kata 43.07 persen la sam ha ka 35-Ranikor (ST) Assembly Constituency, katba 60.85 persen la sam ha ka 36-Mawkyrwat (ST) Assembly Constituency
Ban pynsuk ïa ka jingpyntreikam ïa kane ka Special Intensive Revision bad ban ai jingïarap sha ki paidbah, ka District Administration ka la plie ruh ïa ki Enumerator Helpdesk na ka bynta baroh ar tylli ki Assembly Constituency ha Ophis u Deputy Commissioner (Election), South West Khasi Hills District, Mawkyrwat, ha Room No. 12 bad Room No. 13.
Ka District Administration ka kyrpad ïa baroh ki nongthep vote kiba dei hok ba kin ai ka jingïatreilang kaba pura bad ki ophisar bad ki Enumerator kiba dang trei ha kane ka kam. Ka kyrpad ruh ïa ki paidbah ba kin pyndonkam ïa ki Enumerator Helpdesk lada ki donkam jingïarap ne jingïathuh shai halor ka jingpyndap ïa ki Enumeration Forms bad kiwei kiwei ki bynta kiba ïadei bad ka jingpynbeit thymmai ïa ka Electoral Roll 2026.