Shillong, Naiwieng 03: U Myntri ka tnat Bording u Bah Metbah Lyngdoh u la pynthikna ïa ki nongshong shnong ba ha kine ki por ba don ka jingpynlip bording kaba khah khah ka dei tang ka kam kaba shipor bad ka jingdonkam ban pynbha ïa ki lad jingtei bad ka jingpyntreikam ïa ki skhim kiba thymmai.
Ha kaba ïadei bad kane haba kren sha ki lad pathai khubor ha ka sngi Nyngkong, u bah Lyngdoh u la batai ba kine ki shutdown kim dei ki jingpynlip bording ba la buh da ka por (load shedding), hynrei ka dei ka kam kaba thmu ban pynbha ïa ki lad jingtreikam lyngba ki laiñ kiba thymmai bad ki substation.
Ki jaka kiba shah ktah ha kane ka jingpynlip bording la dep ruh ba bthah ne pyntip sha ki Rangbah Shnong bad ki sordar, u la bynrap.
Na ka liang u Myntri u la shim ïa ka jingbishar ha kaba ïadei bad ka Meghalaya Energy Corporation Limited (MeECL) kaba la treikam bha halor kane ka kam.
