Ka jingpuid ba ñiar eh ha NEIGRIHMS ka pyllait im ïa i Khyllung
![](https://mawphor.com/wp-content/uploads/2022/07/mawphor-1.jpg)
Shillong, Naiwieng 16 : Ka NEIGRIHMS ka lah pynurlong ïa ka jingpuid kaba seisoh ha i khyllung kynthei. Itei i khyllung iba dang 40 sngi & jingkhia 3.6 kilo i shitom na ka “Aorto Pulmonary Window” kaba long ka jingpang klongsnam kaba kham ñiar eh bad don jingma bha ha kaba ym biang ka jingtrei kam hapdeng u thiedbah uba rah ka snam na u klongsnam sha ka met (aorta) bad u thied uba rah ka snam na u klongsnam sha ki tor(pulmonary artery). Kane ka jingthut ka pynlong ban tuid bun palat ka snam sha ki tor kaba ïalam sha ka jingkiew bp jong ki tor (pulmonary hypertension) bad jing bym trei kam shuh u klongsnam.
Kane ka jingthut ka jia tang 0.1%-0.6% na baroh ki jait jingthut ha u klongsnam. Bun bah ki nongpang kiba don ïa ka “Aorto Pulmonary Window” ki ju khlad noh tang hapoh 1 snem ka rta lada ym sumar.
Ka kynhun ba ïa snoh kti lang jong ki tnad Cardiothoracic and Vascular Surgery (CTVS), Anaesthesiology bad Paediatrics ka la pynlong ïa katei ka jingpuid ban long kaba seisoh. Ka kynhun jong ki doctor bad ki nongtrei kaba kynthup ïa i Dr. Reuben Lamiaki Kynta, MCh, (Associate Professor CTVS), Dr. Shivadutta Sharma (JR-CTVS), Dr. Priyanka Dev, Assoc. Professor Anaesthesia, Dr Neha Rawat (Asst. Professor of Anaesthesia), Dr. Wewuteu Thopi (Senior Resident Anaesthesia), Mr. Mrinal Mandal (Perfusionists) bad i Loosar Dkhar ki lah leh ïa katei ka jingpuid (operation) ha ka 22 tarik u Risaw 2022. ïa ka jingsumar hadien ba la dep puid, wat la ka long kaba i smiej bad sheptieng makna ruh, hynrei kaba seisoh la pynbiang da ka tnad Paediatrics, kaba u khlieh duh u dei u Prof. Himesh Barman, bad ki Senior Residents Dr. Ivan Derick Thongni, Dr. John Biswas, Dr. Deisar Muksor bad Dr. Kapil Sharma.
Itei i khyllung i lah ïoh mih noh na ka Hospital ha ka 12 u Naiwieng 2022 ha ka met kaba koit ba khiah.