Kaei ka jingpang Scrub Typhus?
Ka dei ka jingpang Rickettsial ba la pynlong da ki khñiang jingpang Rickettsiae Tsutsugamushi ba la pynsaphriang da kaba shah dait ha ki thyllah ksaiñ (Larval mites).
Kumno yn ithuh ïa ka jingpang Scrub Typhus?
Nyngkong eh paw ka jingmong ba shah dait khñiang kaba lah ban tyrkhong noh hadien katto katne sngi.
Hadien kumba shi taïew pat sdang sa ka kthakhlieh, khie jingshit, sngew tlot, jyrhoh. Lah ruh ban pynhiar, saw ki khmat bad ruh mih dak saw/jngem ha ka snieh doh.
Kumno yn ïada?
Kiar na kaba leit sha ki jaka ba sngam ba jur ka jingdon ki skain kum ki jaka ba bun ki dieng bad hap sohot (kum ki jaka tam sohot, etc) ba lah ban don kine ki thyllah ksaiñ.
Phong da ki jain jynsur lada hap ban leit sha ki jaka ba lah ban don kine ki thyllah ksaiñ.
Lah ban kyllan da ki dawai beh khñiang (insect repellant) ha ba leit ha kum kitei ki jaka ba bun ki jait khñiang skaiñ thyllah.
Ka jinglehkhuid ka dei kaba donkam bha: Loit bad sait ia ki jainphong ynda la wan na ki jaka khlaw lane wan na lum bad sum sait ialade khnang ba kine ki thyllah ksain kin nym ioh ban snoh bad dait.
Kumno yn sumar?
Phah sumar kloi ha ki doktor lane leit phah sumar kloi ha ki hospital lane ha kino kino ki jaka sumar.
Lah ban koit na kane ka jingpang?
H’oid, lah ban sumar bad pynkoit na kane ka jingpang lada ïoh ban sumar kloi ha ka por kaba biang.
ORB health website.