Ka jingpah ki sim hapoh ïing dorbar ka pynthut, sngew kumba don sha lum: Gresentus Susngi

Jowai, Lber 27: U MDC na ka 17-Nangbah Mihmyntdu u ma Gresentus Susngi, haba ai jingkren mynta ka sngi Palei hapoh ka ïing dorbar thawaiñ ka Jaiñtia Hills Autonomous District Council (JHADC) kaba dei ka sngi ïatai ïa ka Mang Tyngka jong u snem 2025-2026, ula pynpaw ka jingsngew bym hun halor ka jingïoh lad ki sim ïing ban rung shapoh ki bynta tnum ba pynlong Dorbar ‘kala sngew pynban kumba don sha ki jaka lum ym shuh hapoh ïing dorbar’.
U la ong kane ka jingïoh lad jong ki sim ïing ban rung shapoh kala pynthut bha haka por ba ïakren ïa ki kam ka Council, nalor ka jingbymbiang sa ki sound System, sa ka jingduna jong ki mouthpiece uba la buh tang u wei ha kawei ka miej kaba la hap ban pyndonkam da ki ar ngut ki MDC.
Sa kawei ruh la pynpaw ka jingbym sngewhun ban shong ïa ki shuki hapoh ïing dorbar namar ki long kiba lyngkot palat bad kane kala pynsngew wit bha ïa ki nongshong.
Haba pynshai ïa kine ki jingduna u CEM ka JHADC ma Thombor shiwat ula pyntip bala don ka jingïakren ban upgrate ne pynthymmai noh ïa baroh ki jingduna hapoh ka Iing Dorbar nalor ka sound, ki shuki bad kiwei de ki jingdonkam.
Ha ka juh ka por u ma Susngi ula kyntu ïa ka EC ba kan pynbha ïa ka Iawthymme kaba don ha Ladthadlaboh namar kumba long mynta ki bynta ba sharum jong ka ïew kila jot la pra, wat ki ñiut ki nier kila lum thup shi jaka ha kaba la mih ka jingsma iwtung kaba jur.