Ka jingkyntiew ïa ki Samla Nongsaiñdur & ka Jingpynsted ïa ki startup ba ïadei bad ka M&E jong ka India

Kiran Mazumdar – Shaw, Chairperson, Biocon Group

Hakhmat ki bai khaiñ pateng ha ka pyrthei bad ka jingkylla ha ka ïew ka hat, ka India ka tyngshaiñ kum ka ïoh ka kot kaba khlaiñ. Da kaba pyndonkam ïa ki jingmyntoi jong ka ha ka liang ka jingbun briew bad ka jinglah ha ka liang ka teknoloji, ka India ka lah ban pynkylla ïa ki jingeh sha ki lad ki lynti, da kaba buh ïalade kum ka ‘Ka Bor kaba khlaiñ ha ka kam saiñdur’. Lyngba ka dustur ïathuh khana kaba riewspah, ka kam Media & Entertainment (M&E) ka thmu ban ‘Pynïasoh ïa ki Nongsaiñdur” kylleng ka pyrthei lyngba ka thong ‘Create in India, Create for the World’.
Ka India ka dei ka jaka jong ki samla nongsaiñdur ba bun ha ki bynta bapher bapher kum ka phlim, ka put ka tem, ka art, bad ka teknoloji. Khamtam eh, ka DNEG jong u Namit Malhotra, ki visual effect bad ka jaka shna animation kaba la pyni ïa ka VFX kaba thymmai ha ka jingïoh khusnam Oscar ka Dune 2. Kane ka la pyni ïa ka jingjop kaba 7 jong ka India ha ka Oscar kaba pyni ïa ka jingkiew jong ka India ha ka kam pynbyrngia ha ka pyrthei. Ka jingkylla na ka jingshna phlim tynrai sha ka jingpynmih phlim digital ka pyni ïa ka jinglah jong ka ri ha kaba thaw ïa ki prokram kiba bha tam ha ka pyrthei.
Ka WAVES Xcelerator (WAVEX), ka bynta jong ka World Audio-Visual Entertainment Summit (WAVES) 2025 jong ka Sorkar India, ka thmu ban pynïasoh ïa ki samla nongsaiñdur bad ki nongïalam ha ka kam bad ban kyntiew ïa ka jingkiew shaphrang ki startup. La buh por ha u bnai Jymmang 2025 ha Mumbai, ka WAVES ka wad ban kyntiew ïa ka jinglong jingman ki startup ha ka kam M & E jong ka India da kaba ai jinghikai, bei tyngka, bad ki lad ba don ha kylleng ka pyrthei. La khmih lynti ba kane ka kam kan kiew na ka T. 2,422 billion ha u snem 2023 sha ka T. 3,067 billion shuwa u snem 2027, kaba kynthup ïa ki bynta ba thymmai kum ka gaming, AI, bad ka metaverse.
Wat hapdeng ki jingeh ban ïoh ïa ka jingithuh, ka WAVES ka ai ka rynsan na ka bynta ki startup kum ka Brahman Game Studios, Keybound, bad Vayon Cloud ban pyni ïa ki kam jong ki sha ki nongbei tyngka ha ka pyrthei. Kane ka sienjam ka kynthup ruh ïa ki startup ba ïalam da ki kynthei kum ka Lapwing Studios bad ka Vygr Media, kaba kyntiew ïa ka jingkynthup lang ïa baroh hapoh ka kam M&E.
Ka WAVES ka thmu ban wanrah ïa ka jinglong jingman kaba ïar bad kaba khlaiñ ka jingïakhun ha kaba ïadei bad ki startup, kaba long kum ka jaka sdang na ka bynta ka jingjop ha ka pyrthei. Ka WAVEX kan pynbeit ïa ki jingeh ha ka pisa tyngka, ka jinghikai, bad ka jingpaw ha ka pyrthei, da kaba ai ym tang ïa ka jingkyrshan pisa hynrei ruh ïa ka rukom kaba ryntih na ka bynta ka jingkiew shaphrang. Da kaba sdang ïa ka Biocon tang T. 10,000 bad ka jingangnud, nga sngewthuh ïa ka jingdonkam jong kum kine ki rynsan kiba wanrah jingkylla.
Ka jaka pdeng jong ka jingsaiñdur
Kum ka nongkyrshan ïa ki kam saiñdur lyngba ki sienjam kum ka Museum of Art and Photography (MAP) bad ka Science Gallery Bengaluru, nga ngeit ba ka deiriti jong ka ri ka don ha baroh ar ki kam saiñdur bad ki jingstad science jong ka. Baroh ar ka jingsaiñdur bad ka science ki don nongrim ha ka bor saiñdur; ki scientist ki leh ïa ki jingpyrshang ha ki lab kumba long ki nongdro ki leh ha ki canvas.
Ka India, kaba kiew ha ka jingïatreilang na ka jingmyntoi ha ka jingbun briew jong ka, ki jingtbit ha ka teknoloji, bad ka deriti kaba riewspah, ka dei ka jaka pdeng jong ka jingkiew ka jingsaiñdur. Kane ka jingpynïasoh kam dei tang ka jingmut jingpyrkhat ha ri India; ka long kaba lah ban leh, kaba pynwandur ïa ki karkhana bad kaba kyntiew ïa ka jingsaiñdur thymmai hapoh ka kam M&E.
Lyngba ka rukom ïathuh khana kaba la neh da ki spah snem, ka India ka don ha ka kyrdan kaba kyrpang ban mih kum ka ri kaba khlaiñ ha ka jingsaiñdur ha ka pyrthei. Naduh ka jingshad tynrai haduh ka cinema, bad na ki comics haduh ka teknoloji, ngi la rung ha ka juk kaba sngewtynnad ha kaba ka jingstad ka ïakynduh bad ka jingpynwandur kaba thymmai. Ka thong ‘Create in India, Create for the World’ ka kynthup lang ïa kane ka jingangnud ha ka rukom kaba janai.
Ka jingwanrah jingkylla ïa ki startup ba saiñdur
Ka WAVES ka pyni nuksa ïa ka jingïadei kaba itynnad jong ka teknoloji bad ka jingïathuh khana. Ka WAVEX ka la pynkhreh ban shim kabu ïa kane da kaba kyrshan ïa ki startup ha ki bynta ba thymmai kum ka animation, AI, AR/VR, gaming, bad ka metaverse.
Da kaba don palat 4500 ngut ki nongdie bad palat 5,900 ngut ki nongthied kiba la pynrung kyrteng na ka bynta ka WAVES Bazaar, kane ka sienjam ka kular ban pynïasoh ïa ki startup jong ka ri bad ki briew ha kylleng ka pyrthei, kaba pynsted ïa ka jingkiew ka India kum ka nongïalam ha ka kam M&E kylleng ka pyrthei.
Ka WAVES ka wanrah ruh ïa ka jingpynmih jingmut ka bym sahkut ha tang ki lad pathai khubor tynrai. Ki kompeni kum ka Erucanavis Technologies ki dei ki nongsdang jong ki jingpynbna ba la pynïaid da ka AI, katba ki Amaze Studios bad ki Offline Human Studios ki dang pynkylla dur thymmai ïa ka jingïathuh khana lyngba ka animation bad ka VR. Ki jingthmu jong ka Ed-tech kum ka InscapeXR bad ka Vision Impact ki pynkylla ïa ka rukom pule da ki media kiba khlaiñ. Kine ki startup ki pyni ïa ka lad kaba ïar bad ka jingïahap ka jinglong jingman jong ka kam saiñdur jong ka India bad ka pyrthei baroh kawei.
Ka Jingthmu na ka bynta ka Lawei
Ka India ka la pawnam slem bha namar ka deiriti kaba riewspah bad ka jinglong tynrai kaba neh jong ka kam saiñdur.
Kane ka bor saiñdur ka shem ïa ka jingpynpaw ba shitrhem ha ki samla jong ngi, kiba long ki nongsaiñdur jong kane ka juk mynta bad ki nongpeitjngai jong ka lashai. Ha kylleng ki phlim, ka put ka tem, ka animation, gaming bad digital media, ki samla nongsaiñdur jong ka ri ki la pynkylla ïa ki kam.
Ka jingkut jingmut jong ka sorkar India ban kyntiew ïa kane ka lad ka paw ha ka jingkyrshan jong ka ïa ki sienjam kum ka WAVES, kaba la saiñdur khnang ban kyntiew ïa ka rukom sdang treikam kaba thymmai, bad kaba lah ban ïakhun ha ka pyrthei ha ka liang ka kam Media & jingpynbyrngia.
Mynta, lyngba ka WAVES, ym tang ba ngi bei tyngka ha ki startup, hynrei ngi bei tyngka ruh ha ka jingïathuh khana, ha ka jingpynpaw ïalade, bad ha ka ïoh ka kot kaba thymmai kaba batai ïa ka lawei. La ka long ha ka bioptech lab ne ka digital studio, ka jingsaiñdur ka dei ka pisa ka ban pynwandur ïa ki karkhana bad ki jinglong hadien habud.
Ka WAVES 2025 ka long palat ban ïa ka jingrakhe ïa ka kam M&E jong ka ri; ka dei ka jaka sdang na ka bynta ka pateng ban wan jong ki nongsaiñdur bad ki nongseng kam la jong kiba la pynkhreh ban pynkylla kumno ka pyrthei ka pyndonkam ïa ka jingpynbyrngia, ka pule puthi, bad ka deiriti.
Kum ka dkhot jong ka Advisory Board jong ka WAVES, nga sngew sarong ban long shi bynta jong kane ka jingïaid lynti kaba pynkylla dur. Ka jingktah jong kane ka sienjam kan long palat ïa ki studio bad ki kamra jong ki board, kaba sawa ha man la ka khana ba la ïathuh, man la ka statup ba la pynheh, bad man la ka jingsaiñ dur thymmai kaba pynkylla ïa ka jinglong jingman kaba mynta.
Ka por jong ka India ban ïalam ïa ka jingkylla ha ka kam saiñdur ha ka pyrthei ka la poi. To ngin ‘Thaw ha India, Thaw na ka bynta ka Pyrthei’ bad pyni ïa ka pyrthei ïa ka bor bym don pud jong ka jingmutdur jong ngi.