Ka Jingïaseng Synod Karbi Anglong Presbyterian Church Synod ha Hamren naduh 27-30 tarik

Shillong, Lber 24 : Ka Jingïaseng Synod jong ka Karbi Anglong Presbyterian Church Synod kan long ha ka Balang Presbyterian Hamren, West Karbi Anglong ha ka 27tarik – 30 tarik Lber.
Ki nongkren ha ka Sngi U Trai ki long Rev. Phillip Hanse, Eld. Robert Senar bad Rev. Premingson Millik.
Ka lynti ban poi sha Hamren ka long ba na bynta kito kiba wan na Ummulong phai sha Khanduli Road bad nangtei ka jngai 38KM haduh Hamren. Na bynta kiba wan na Shillong ïaid lyngba ka surok Damsite – Umroi sha Khyndaw Waso ïaid beit haduh Nartiang bad na Nartiang ha Khanduli bad Hamren.
Kane ka long katkum ka jingpyntip na u Tbn. Niwel War.