Shillong, Nohprah 20 (PIB): Ka jingialang ban wan halor ka PM-WANI ha nongbah Shillong ha ka 28 tarik Nohprah 2022
Ka DoT NE LSA unit kan pynlong ia ka jingialang ban wan lyngba ka bor internet halor ka PM-WANI ha ka 28 tarik Nohprah, 2022 ha ka por 11:30 ban kyntiew jingtip ia kito kiba iadon bynta ha kane ka kam kiba la don lypa bad kumjuh ruh kiba dang thymmai.
Ka Kynhun Myntri jong ka Sorkar Pdeng, ba la khlieh da u Myntri Rangbah duh u Narendra Modi ka la mynjur ia ka jingtyrwa jong ka Department of Telecom (DoT) ban pyniar ia ka Broadband lyngba ki Public Wi-Fi network hapoh ka nongrim jong ka Prime Minister’s Wi-Fi Access Network Interface (PM-WANI).
Ka nongrim jong ka PM-WANI kalong ban pynsuk ban leh ia ki kam khaii pateng bad ban pynshlur ia ki dukan ha ki shnong ki thaw bad ki jaka treikam barit baria ban long ki ki jaka pynbiang Wi-Fi Hotspot lane ka Public Data Office (PDO). Ki dukan ha ki shnong ki thaw bad ki jaka treikam barit baria kum ki PDO ki lah ba kamai na kaba die ia ka internet khlem da donkam ban ioh license, registration bad/lane kino kino ki jingsiew sha ka DoT.
Kito kiba don jingmut / kiba lah ban shim ia kane ka kam PDO / PDOA ki lah ban pynsngew ia ka jingkwah jong ki ban shim ia kane ka kam ha ryngkat ki jingai jingmut / jingshem ha ka email ID adett.nelsa-dot@gov.in. Ia ka link ban iashim bynta ha ka jingialang lyngba ka bor internet yn sa iasam bad kito kiba kwah.
