Shillong, Nailar 26: Ka eriong bad Erlangthari mynta yn kheiñ noh kum ka State ne Local Disaster ha Meghalaya ne ki jingshah lyngshop mariang ha jylla.
ïa kane ka rai la shim ha ka jingïalang jong ka kynhun myntri kaba la long ha ka sngi Balang.
U Myntri Rangbah ka Jylla u Conrad K Sangma ula ong ba kane ka jingwanrah ïa ka jingpynkylla ne Amendment ka dei kaba la leh da ka Tnad Disaster Management ban weng ïa ka jingsngewthuh bakla ha ka ban pynbna ïa ki jingjulor kiba la mih na ka jingjur ka eriong ne erlangthari.
“Kham hashwa, ia ka eriong la ithuh kum ka State Disaster hynrei ngi lah sakhi ïa ka jingkiew jong ki julor kiba la leh da ka eriong ki bym dei pat kiba khlain bor kum erlangthari. Kane ka la wanrah ïa ka jingsngewthuh bakla ïa ki ophisar ban pynbna ba dei ka erlangthari watla ka hap hapoh ka kyrdan jong ka jingjur jong ka lyer hynrei kam lah pat ban pynjulor.
Ban wanrah ia ka jingshai, ngi lah kynthup ïa ka eriong bad ïa ka lyer langthari kaba khlaiñ bor ha katei ka thup” ong u Myntri Rangbah hadien ba la wai ka jingïalang jong ka kynhun myntri.
