Ka elekshon MDC kan long beit ha u 2024 : CEM KHADC
![](https://mawphor.com/wp-content/uploads/2023/06/CEM-Budget.jpg)
Shillong, Jymmang 23: U CEM ka KHADC u Bah Pynïaid Sing Syiem u la pynpaw ba ka eleskhon sha ka ïing dorbar thawaiñ jong ka council ka lah ban long beit ha u snem 2024 kumba ka dei ban long wat hadien ba ka don ka jingtyrwa ban pynkylla ïa ka Sixth Schedule namar kat haduh mynta na ka liang ka sorkar pdeng kam pat ai ïa kino kino ki jingthoh sha ka council.
Haba kren sha ki lad pathai khubor u Bah Pynïaid u la ïathuh ba ka jingpynjlan ïa ka por treikam ka council na ka daw ka jingthmu ban pynkylla ïa ka Sixth Schedule bad ban pynbun ïa ki seat MDC jong ka ïing dorbar ha KHADC kat haduh mynta ka sorkar India kam pat kynjoh ktien eiei.
“Ka elekshon MDC kan long beit ha u 2024 namar ka sorkar Indïa kam phah kino kino ki jingthoh sha ka council ban pynjlan ïa ka rta treikam ka ïing dorbar ba mynta,” u la ong