Shillong, Rymphang 22: Ka Nehru Yuva Kendra Sangathan, Shillong, ka la pynlong ïa ka Neighbourhood Youth Parliament Programme ha ka 18 tarik mynta u bnai ha ka Shnong Wahraw, East Khasi Hills District. Ha kane ka prokram la ïadon lang i Kong Badashisha Rapsang NYV jong ka Block Mawphlang.
Ki Samla na katei ka thaiñ ki la wan ban ïashim bynta lang da ka jingshit rhem.Ka jingthmu jong kane ka dorbar ki Samla ka long ban ailad ïa ki samla ba kin ïashim bynta lang ha ka jingïalang kaba long kum ka dorbar ban ïatai ban ïaphylliew jingmut ha kaba ïadei bad ki mat kiba bun.
Ha kane ka dorbar ki Samla, la don ruh arngut ki riewshemphang kiba la wan ai jinghikai bad jingbatai halor ki mat kiba bun ïa ki Samla.