Shuwa ban ai CPR, peit ïa ka jinglong jingman jong u nongpang. Nangta pyndonkam da ka AVPU Code.
A – Ba peitmat bad tip briew (Alert)
V – Lah ban kren (Verbal)
P – Sngewthuh ia ka jingpang (Pain)
U – Kiba ym lah ban iohsngew lane tip briew (Unconscious/Unresponsive)
Kiba pang bad kiba ym tip briew shuh ki donkam ka CPR. Ka CPR ka dei ka jingsumar ban bat ïa ka jingim haba ym lah shuh ban ring mynsiem bad ba ym don shuh ïa ka jingtied jong u klong snam.
Ka jingpang Klongsnam – Ki kyndon ki bym lah ban pynkylla :
Ka jinghiar pateng
Ka jinglong kynthei/shynrang
Ka jinglong jait met jong u briew
Ka rta
Ki jingma ba lah ban pynkylla :
Sangeh dih sikret, duma
Teh lakam ïa ka High Blood Pressure
Pynduna ka bam khlein
Kilan met
Ki daw kiba lah ban pynjur ïa ka jingpang kyndeh klong snam :
Ka jingsngaid
Jingpang shini
Jingkhuslai jingmut jingpyrkhat
Ki buit ai jingsumar ban ring mynsiem
Jingbatai lyngkot na ka bynta ka CPR ïa kiba la heh la san:
Ka jingjylliew jong kata ka jingkhem ka dei ban long tang hapdeng 4-5 cm
Ka jingkhem ka dei ban long 60 sien shi minit
Ka jingmih lyer ka dei ban long 1.5-2 sekhon
Ka 1-rescuer cycle ka dei ban long 15 sien khem bad ka dei ban don arsien ka jingpyrsad mynsiem
Shuwa ban leh ïa ka CPR dei ban bud ia kine ki kyndon:
Dei ban pyntikna ba u nongpang um tip briew shuh Phone ïa ka EMS (Emergency Medical Services) System. Nuksa kum ka 108
Peit bniah ïa ka jingsumar ABC
Ka jingïaid jong ka lyer (A-Airway)
Ring mynsiem (B-Breathing)
Jingïaid jong ka snam (C-Circulation)
Pynthiah bha ïa u nongpang
Plied ïa ka sopti khnang ban ïohi ïa ka shadem
Shong bha bad pynkhreh ïalade
Wad ïa ka shlip nuid (xiphoid process) Peit hangno dei ban shon
Buh beit buh ryngtih ia ki kti jong phi
Pynbeit ia ki tyrpeng
Sdang ban leh ïa ka jingkhem/jingshon na ka shadem (compression)
Ka CPR ka trei kam bha lada :
Ki pyllew khmat ki khih
Ka sniehdoh ka sdang ban shai
Ka jingtied jong u thied snam na ryndang ha man ba don ka jingkhem
Ka don pat ka jingtied biang jong u klongsnam
Ka jingkhih ki kjat, ka jingkhih jong ki kti
Sdang ban nguid
Wan phai ka jingtip briew
Wan phai ka jingring mynsiem
Ka CPR kam trei kam bha na ka daw :
Lada ym shym buh bha ia ka khlieh
Ka jingbym ang bha ka shyntur
Ka jingbym kbum bha ka shyntur
Ym shym la set bha ïa ki thliew khmut
Ka jingbym pynthiah ia u nongpang ha ka jaka kaba eh
Ka jingbuh ba kla ïa ka kti u nongai jingïarap
Ka jingieh slem palat ia ka jingkhem na shadem
Ka jingbym biang ha ka jingkhem
Ka jingkhem ka lah ban long kaba sted palat lane suki palat
Ka jingwanphai ka shadem ha ka por ba khem ka dei ban long 50:50
Ka jingbuh ïa u nongpang hadien ba u la peit mat :
Kane ka jingbuh ka ïarap ia u nongpang uba tip briew malu mala bad ïa u bym tip briew shuh ban ring mynsiem da kaba ailad ïa ka kynja um ban tuid na ka khmut bad ryndang, kaba pynlong ïa ka jingset ban ring mynsiem. Pynthiah ïa u ha kata ka rukom katba dang ap ïa ka jingai jingsumar.
