Jurip u Bah Sniawbhalang ïa ka jingpyntrei surok 42 klur na Ummulong Bamkamar

Jowai, Naitung 20: U Symbud Myntri Rangbah jong ka sorkar jylla Meghalaya, ma Sniawbhalang Dhar, ha kane ka 19 tarik u Naitung, 2024 ula hiar dalade ban leit jurip ïa ka jingpyntrei ïa u surok na Ummulong-Tyrshang–Bamkamar uba don haka jingjngai kumba 22 kilometers.
Ha kane ka sngi, la synran lang ïa u Symbud Myntri Rangbah da u SDO ka PWD Jowai Central Division u ma O. Thubru bad u Engineer bah Y. Shangpliang ha ryngkat ki Waheh shnong bad ki riew rangbah jong ki shnong kiba ïaid lyngba une u surok.
Ia kane ka surok kaba la sdang pyntrei naduh u snem 2022 bad kaba la buh thong ban pyndep haduh u snem 2025, la mang ha ka jinglut kaba 42 klur tam tyngka. Katkum ka jingjurip mynta ka sngi, la lap ba ka jingpyntrei ïa kane ka surok ladep kumba 90 percent.
Ha ka jingjurip, u symbud myntri rangbah u a kyrpad ïa ki officer jong ka Department ban shimkhia ban buddien bad ban peit bniah bha, khnang ba kane ka jingpyntrei ïa une u surok kan long kaba ïaidbeit katkum ba la thmu.