Shillong, Nailar 2 : Haduh 7-8 tylli ki ïing ki la pluh ha ka thaiñ Rilbong, marjan ka ïing Dorbar Thawaiñ ka Jylla ha ka janmiet Sngi Thohdieng.
Kat kum ka khubor Pulit, kane ka jingpluh kala jia ha ka por 3:30 baje janmiet hynrei donbok ba ym shym la don kano kano ka jingjia ba sngewsih.
Ki sakhi ki kam ba kane ka jingpluh ding ka la jia na ka jingbthei ka tyndong lyer shet jingshet.
Hynrei ki Pulit ki ong ba ïa ka daw tynrai ym pat lah satia ban pynthikna bad ka jingtohkit mynta kala ïaid shakhmat.
U MLA ka thaiñ bad Myntri Sorkar Bah Sanbor Shullai u ïathuh ba ki la don ki briew ba pyntip ïa u shaphang kane ka jingjia bad mar mar ula pyntip sha ki Pulit bad Fire Service.
Ki kali pynlip ding ki la poi ha ka thaiñ bad ki la lah ban tehlakam ïa ka ding shuwa ba kan pur sha kiwei ki ïing ba marjan. La iathuh ba kawei pat ka daw ka lah ban jia na ka jingtyngkhuh ki wire elektrik sa kem ding ha katei ka jaka.
