Jop takma ksiar ka Kong Margaret Pathaw, takma rnong ka Kong Angel Merry M.Umlong na ka Arm Wrestling C’ship ha Turkey

Shillong, Risaw 20 : Ka Kong Margaret Pathaw ka la jop takma ksiar ha ka jingïakhun kti jong ka lympung 43rd World Arm-wrestling Championship kaba la long ha Turkey, katba ka Kong Angel Merry Mylliem Umlong ïa ka takma rnong.
Ka Kong Margaret ka la jop ïa ka takma ksiar da kaba pynliem ïa ka Anna Santos jong ka Brazil ha ka jingïakhun ba 60kg ha ka janmiet jong ka sngi Balang.
Ha ka kylla kaba nyng kong, ka Jylla Meghalaya ka la ïoh ar tylli ki takma na ki arngut ki nongïakhun kti ha ka liang ki nongïakhun kti kadiang. Ka Kong Angel Merry Mylliem Umlong bad u Alexander Lyngdoh ki ïoh ïa ka takma rnong.
Kum ban pynkynmaw hangne ba ka jylla ka don 9 ngut ki nongïakhun kti kiba mihkhmat ïa ka ri India sha katei ka lympung ïakhun kti ha Turkey bad kine ki kynthup ïa u Bah Alan S Marbaniang, Margaret Pathaw, Angel Merry Mylliem Umlong,Alexander Lyngdoh, Hubert Paliar, Everson Thangkhiew, Kishore Chettri, Banshan Terang bad Airikymenlang Lyngdoh.
Ha ka miet sngi Palei ki nongïakhun kti kiba ïa aireng ki long u Bah Alan, Angel Merry Mylliem Umlong, Everson Thangkhiew, Margaret Pathaw, Alexander Lyngdoh bad u Hubert Paliar.