Jowai, Naitung 11 : Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka Youth Social Welfare Pynthor kala pynliem da 3-1 kol ïa ka Tpeppale, ïa ki kol na ka Youth Social Welfare la thep da u Chival Lipon ha ka minit ba 9, u Hynriew Ryngkhlem ar kol haka minit ba 15 & 49. Na ka Tpeppale la thep da u Lamdame Sumer haka minit ba 69.
Ha ka jingïakhun kaba ar kaba poi sha ka jingïakhaid da 0-0 hapdeng ka Lumchyrmang Mihmyntdu pyrshah ïa ka SC SC Nonglatem.
Ha ka jingïakhun kaba lai ka Da-i-hi Mynsngad kala pynliem da 2-0 kol ïa ka Loompyrdi Iongpiah. Ïa ki kol na ka Da-i-hi Mynsngad la thep da u Pyndap Pyrtuh haka minit kaba 32 bad u Heltwiss Pyrtuh haka minit ba 37.
Katba ha ka jingïakhun kaba saw kila poi sha ka jingïakhaid da mar shikol 1-1 hapdeng ka Nangbah Pohchnong pyrshah ïaka Mukhla Umlangshor, ïaka kol na ka Nangbah Pohchnong la thep da u Lakhon Dhar haka minit kaba 5 bad na ka Mukhla Umlangshor la thep da u Treibha Sumer haka minit ba 70 min.
