Jowai, Risaw 30: Ka Youth & Cultural Sohmynting ka la wanphai nadien ban pynliem noh da 2-1 kol ïaka 7-Wasa United ha kawei na ki jingïalehkai jong ka lympung phutbol ‘Super Division Football Tournament 2025’, ba la tip kum ka “17 U Kiang Nangbah Memorial Trophy” bala pynïaid da ka West Jaiñtia District Sports Association (WJDSA), Jowai, kaba la long hynne ka sngi Palei, 30 tarik Risaw, ha madan Kiang Nangbah Stadium, Dongmihsngi Jowai.
Haba phai sha ka jingïakhun, dei ka 7-Wasa United kaba la pynkhihjar nyngkong lyngba u Jeff. K Rymbai ha ka minit ba 23, hynrei ka Youth & Cultural Sohmynting ka la ïoh lad ba kan pynïakhaid lyngba u Damang L Pyrtuid (39’) shuwa ba u Kamwadamonmi Pamthied un thep ïa ka namtam ha ka 66 minit ban pynthikna ïa ka jingjop.
Ha kawei pat ka jingïalehkai jong ka lympung 1st Women League Football Tournament 2025, la sakhi ïa ka Catholic Youth kaba la jop da tang 1-0 kol ïaka Sabahmuswang.
ïa katei ka shikol na ka bynta ka Catholic Youth la thep da ka Meriful Dkhar haka minit ba 40.
