Lempluh, ‘Naiwieng 26: Ka Seng Samla Kur Hynñiewta, Lempluh, Nongspung Syiemship ha ka 25 tarik u ‘Naiwieng, 2023 ka la plie pyrda ia ka lympung ïalehkai phutbol kaba la pynlong ha madan ïalehkai Pyndenumsaw ba hap ha u pud ka shnong Sohpian.
Ha kane ka sngi sdang ka jingïalehkai ka Wahsohlait Football Team ka la pylliem ïa ka Mawsadang Football Team da 3 – 2 kol bad ka Dewsaw Football Team ka la pynliem ïa ka Sohpian Football Team da 5 – 4 kol lyngba ka Tie Breaker.
La plie pyrda ïa kane ka lympung ïalehkai da u bah Staising Kharbteng kum u kongsan ha ka jingdon ryngkat u bah Kyrmen Rani u Sordar ka shnong Sohpian, ki nongïalam ka Seng Samla kur Hynñiewta, Lempluh bad ki paidbah nongshong shnong ka thaiñ.
La ïoh ïa ka jingkren lyngkot na u kongsan, u Sordar bad u samla Pynskhem Hynñiewta u Chairman ka Seng Samla ha shuwa ban sdang ka jingïalehkai.
