Jowai, K’Lyngkot 12: Ka lympung ïalehkai phutbol kaba la tip kum ka Republic Day Cup, Under-13 Football Tournament 2024 bala pynïaid da ka West Jaiñtia District Sports Association, (WJDSA) Jowai kaba la long hynne ka sngi ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong ka Sabah kala lah ban pynliem da 8-0 kol ïa ka Mynthong, ïa kitei ki kol na ka Sabah la thep da u Poimidasuk Phawa haka minit ba 2 & 58, u Deiwa e mitre Shylla haka minit ba 6, 8, 40 & 53 bad u Kyrchanlang Chyrmang haka minit ba 11 & 28.
Katba ka Panaliar kala pynliem da 5-1 kol ïa ka Chutwakhu ïa ki kol na ka Panaliar la thep da u Lewa o Sumer haka minit ba 3, u Sawa o Phira haka minit ba 14 & 51 bad u Dalammiki Khlem haka minit ba 43 & 49. Ïa ka shikol na ka Chutwakhu la thep da u Jomison Shylla haka minit ba 10.
Ha ka jingïakhun kaba ar kaba la long hapdeng ka Loompyrdi Ïongpiah bad ka PSA kila poi sha ka jingïakhaid da mar shikol 1-1, ïa ka kol na ka Loompyrdi Ïongpiah la thep da u Ram Passah haka minit ba 37. Na ka PSA la thep da u Shanmiki Myrchiang haka minit ba 43 lyngba ka Penalty.
Katba ka Sailung Ialong kala pynliem da 2-1 kol ïa ka Demthring ïa ki kol naka Sailung Ialong la thep da u Rilangki o Rymbai haka minit ba 12 & 48. Ïa ka shikol na ka Demthring la thep da u Dexter Suting haka minit ba 2.
Ha ka jingïakhun kaba lai ka Kseh Sylle Ialong kala pynliem da 2-1 kol ïa ka Iawmulong Nartiang, ïa ki kol naka Kseh Sylle Ialong la thep da u Jedison Dhar haka minit ba 23 bad u Dalam i Phawa haka minit ba 56. Ïa ka shikol na ka Iawmulong Nartiang la thep da u Ebiangmi Dhar haka minit ba 45.
