Khliehriat, Nailur 26: Ha ka jingïalehkai phutbol 1st Division, bala pynïaid da ka East Jaiñtia Hills District Football Association (EJHDFA) kaba la long mynta ka sngi ha madan Deiñchynrum, ha ka jingïakhun kaba itynnad, ka R. Synrang Shahkhaiñ SC kala pynliem ïa ka Rymbai Pohskur SC da 6-2 kol.
Ïa ki kol na ka kynhun R. Synrang Shahkhaiñ SC la thep da u samla Ïaishah Bareh haka minit ba 5 & 71 minit bad u Franki Dkhar pat haka minit kaba 42 minit, u Emon Nongtdu haka minit kaba 43, u Ferdinand Nongtdu ha ka minit ba 85 bad u Shanki Dkhar haka minit ba 90+1.
Katba na ka liang ka Rymbai Pohskur SC la thep da u Chestar Nongtdu haka minit ba 19 bad u Soki Bareh haka minit ba 26.
Ha ka jingïakhun kaba ar ka kynhun ïalehkai jong ka Byndihati SC kala jop da 1-0 kol ïa ka Khliehriat West FC, ïa katei ka shikol na ka Byndihati SC la thep da u Enikijuh Shylla (31 minit).
