Jop ka Pynthorbah SC bad ka Lamlynti FC (Madanlyngkhi)

Shillong, Nailur 05: Ka jingïalehkai jong ka lympung SSA U-20 4th DIVISION Football League 2023 kaba la long hynne ka Sngi Hat Majai ha madan 3rd Ground MFA Turf Polo , (05.09.2023).
Haba phai sha ka jingïalehkai kaba nyngkong kaba la long ha ka por 3:30 nohphaisngi, ka Pynthorbah SC ka la ïoh ban khur ïa ka namjop salit da shi kol pyrshah ïa ka Umsohsun SC. Kane ka shi kol la thep da u Juviel Kharkongor ha ka minit ba 50.
Haba phai sha ka jingïalehkai kaba ar, ka Lamlynti FC (Madanlyngkhi) ka la jop suk haduh 3 – 0 kol ïa ka Mawklot SC.
ïa kine ki lai kol na ka bynta ka Lamlynti FC la ïoh ban thep da u Ricky Mawlong- 5 minit nangta na u Batskhem Thongnirit- (20min) bad khadduh na u Pyrkhatjanai Kharkongor ha ka minit ba 70.
Ka jingïakhun jong ka SSA U-20 4th DIVISION Football League 2023 mynta ka sngi kan sdang naduh ka por 3:30 nohphaisngi bad ka jingïalehkai kaba nyngkong kan long hapdeng ka Risa Colony SC pyrshah ïa ka Laitkroh SC.
Katba ka jingïalehkai kaba ar kan long hapdeng ka Diengpasoh SC pyrshah ïa ka Pommura SC ka ba long ha ka por 5:30 baje janmiet.