Jowai, Risaw 20: Ka jingïalehkai phutbol ha ka kyrdan Super Division Football Tournament 2023 ba la ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai hynne ka Sngi Thohdieng ha madan Kiang Nangbah Stadium, Dongmihsngi Jowai.
Haba phai sha ka jingïakhun ka kynhun ïalehkai jong ka Ladthadlaboh SC kala lah ban pynliem da 3-0 kol ïa ka Sailung Ialong, ïa ki kol na ka Ladthadlaboh SC la thep da u Buromlangki Salahe haka minit ba 11, u Banteilang Shylla haka minit ba 31 bad u Kindness Mukhim haka minit ba 72.
La pyntip ba ka jingïakhun mynta ka sngi 21.10.2023 kan long hapdeng ka Nangbah Mulang pyrshah ïa ka Mynthong haka por 2 baje nohphai sngi.
