Khliehriat, Nailur 29: Ka jingïalehkai phutbol 1st Division bala pynïaid da ka East Jaiñtia Hills District Football Association (EJHDFA) kaba la long hynne ka sngi Thohdieng ha madan Deinchynrum, Khliehriat.
Haba phai sha ka jingïakhun ba nyngkong kaba la long hapdeng ka Chiehruphi SYWSC bad ka R. Synrang Shahkhain, ka jingïakhun ka la jam sha kaba kut da ka jingïakhaid, ha kaba baroh ar kynhun ki la ïoh ban thep mar shikol. Ïa ka kol na ka Chiehruphi la thep da u Defender Pajat haka minit ba 47. Katba ka R. Synrang Shahkhain ka la ïoh ban pynïakhaid lyngba u Richard Dkhar haka minit ba 83.
Haba phai sha ka jingïakhun kaba ar, ka kynhun ïalehkai jong ka Khliehriat West FC ka la khur ïa ka namjop salit da 1-0 kol ïa ka Bataw YWSC bad ïa ka namtam na bynta ka Khliehriat West la thep da u Mihlang Sutnga haka minit ba 69.
