Shillong, Nailur 11: Ka jingïalehkai jong ka lympung SSA U-20 4th DIVISION Football League 2023 kaba la long ha madan 3rd Ground hynne ka Sngi Balang, ka la jam sha kaba kut ha kaba ka Kharang SC lem bad ka Laitumkhrah SC ki la ïoh ban khur ïa ka namjop ha ki jingïakhun jong ki.
Haba phai sha ka jingïalehkai kaba nyngkong hapdeng ka Mawphlang SC pyrshah ïa ka Kharang SC ba la sdang ha ka por 3:15 nohphaisngi, ka Kharang SC ka la pynliem ïa ka Mawphlang salit da shi kol.
ïa kane ka shi kol na ka bynta ka kharang SC la ïoh ban thep da u Jamshaphrang Kharsati ha ka minit kaba 26 jong ka kylla step.
Haba phai pat sha ka jingïalehkai kaba ar kaba la sdang ha ka por 4:45 jan miet, ka jingïalehkai ka la kut kumba long ha ka jingïakhun ba nyngkong, ha kaba ka Laitumkhrah SC ka la jop salit da shi kol ïa ka Mawreng SC.
Kane ka shi kol na ka bynta ka Laitumkhrah SC la ïoh ban thep ha ka kylla miet lyngba u Neban Lanong (54 min), hynrei ka kynhun ba ïakhun pyrshah kam shym la ïohlad ban pynphai haduh kaba kut kaba la biang pura ïa ka kynhun ban khur shalade ïa ki lai point.
Ka jingïalehkai mynta ka sngi jong ka lympung 4th DIVISION Football League 2023, ha madan 3rd Ground, MFA Turf, Polo yn sdang biang ha ka por kumba ju long, kata 3:15 nohphaisngi, bad ka jingïakhun kaba nyngkong kan long hapdeng ka Pynthorbah SC pyrshah ïa ka Lamlynti (Madanlyngkhi) FC, nangta ha ka por 4:45 janmiet ka Riatsamthiah SC kan aireng pyrshah ïa ka Mawpdang SC.
