Shillong, Naiwieng 09 : Ka Meghalaya Athletics Association (MAA) ka la ïoh ban jied ïa ki 44 ngut ki nongïalehkai Athletics kynthup shynrang bad kynthei ban mihkhmat ïa ka Jylla sha ka lympung ïalehkai 2nd North East Olympic Games 2022 kaban sdang naduh ka 10 tarik Naiwieng 2022 hangne ha Jylla Meghalaya.
Ki 44 ngut ki nongïalehkai Athletics kiban ïashim bynta ha katei ka lympung ki kynthup ïa 22 ngut ki shynrang bad 22 ngut ki kynthei. Ha ka U-20 (Boys) ki nongïalehkai ki kynthup ïa u Dasaman Kyndait, Donbok Shabong, Kyrshanlang Shylla, Nathaniel Lyngdoh Nonglait, Primus Ronghi, Pringchang N Sangma, Repol Dkhar, Shongdorlang Jyrwa, Skhemlang Suba, Tusal M Sangma, Gracewin Ch Marak bad u Wolbetstar Ramsiej.
Ha ka A-20 (Men) ki kynthup ïa u Albinus Rongpeit, Daniel Lyngdoh Mawlong, Eleven Dkhar, Emphius Nongrum, Kalbin B Marak, Kelbinus Biam, Kermi Biam, Marso Kyndait, Sebastian Marboh bad u Simeon Marak. Katba ki thei ïalehkai U-10 (girls) ki kynthup ïa ka Albamary Sohshang, Angelina Jackson, Anrisha Klein, Balasiewdor Pathaw, Bethlyne G Makri, Damika R Lyngdoh, Iba I Hun Kurbah, Joytiful Narlong, Lyntijingkyrmen Kharjahrin, Marqueenless Ramsiej, Melibad Kro, Rinalis Ingti bad ka Ritina Hanse.
Ki thei ïalehkai ha ka kyrdan A-20 (Women’s) ki kynthup ka Anuska Majhong, Artisan Byrsat, Claire Jones Jala Kharbhih, Durka Nartiang, Gloryfy Kurbah, Kyntimon Marwein, Happiness Phawa, Pynhunlang Puwein bad ka Senitha Momin. La jied ruh ïa ki official ba kynthup ïa u Bah Khrawkupar Shabong bad Bah Dino Embhah Kahit kum ki Manager, ka Kong Rose Mary Lyngdoh bad samla Darikordor Kharpuri kum ki Coach.
