Shillong, Naitung 11: Ka lympung ïalehkai phutbol hapdeng ki lahduh jong 12 tylli ki districts jong ka jylla Meghalaya, ka State Level Subroto Cup 2024 kaba la sdang naduh ka Sngi Hat Majai, ka la jam sha ka semi final.
Ki kynhun kiba la jam sha kane ka wat ïakhun ki long: kyrdan U-15 boys, ka Assam Rifles Public School (EKH), ka Govt Boys HSS (WGH), ka Dominic English UPS (WJH) bad ka Nongjri Presbyterian SS (Ri-Bhoi).
Ha ka U-17 girls: Ka Tyrsad HSS (EKH), ka Kynshai Govt LP & UPS (WKH), ka North Liberty HSS (WJH) bad ka Christian HSS (Ri-Bhoi).
Ha ka U-17 boys: Ka Assam Rifles Public School (EKH), ka North Liberty HSS (WJH), ka Songsak Agitokgre HSS (EGH) bad ka Myngken Christian HSS (Ri-Bhoi).
Haba phai sha ki jingïalehkai hynne ka sngi, ha ka U-15 boys kaba la long ha First Ground, Polo, la sakhi ïa ka Govt HSS (WGH) kaba la pynliem da 1 kol ïa ka Little Star HSS (SWKH). Ka Nongehram Adunai HSS (EGH) ka la pynbam kput haduh 10 kol ïa ka St Claret HSS (SWGH). Ka Assam Rifles Public Schol (EKH) ka la jop salit da shi kol ïa ka Dapborlang Giri Memorial SS (WKH). Katba ka Dominic English UPS (WJH) ka la jop 1 kol ïa ka Bakenang UPS (NGH).
Ha ka kyrdan U-17 girls kaba long ha Mawlai Madan Heh: Ka North Liberty HSS (WJH) ka la pynliem da 2-1 kol ïa ka Rongrong SS (NGH). Nangta ka Kynshai Govt LP & UPS (WKH) ka la pynliem ïa ka Okkapara Secondary School (SWGH) da 6 kol. Ka Tyrsad HSS (EKH) ka la jop salit da tang 1 kol ïa ka Lotus SS (EJH). Khadduh ka Christian HSS (Ri-Bhoi) ka la jop 3 kol ïa ka Little Star English Medium SS (EWKH).
Ha ka kyrdan ïalehkai U-17 boys kaba long ha Third Ground, ka Sibsingh Memorial Govt HSS (WKH) ka la jop da 2-1 kol ïa ka Damram Union SS (NGH), nangta ka Lotus SS (EJH) ka la pynbam haduh 9 kol ïa ka Mount Carmel SS (SGH). Ka Assam Rifles Public School (EKH) ka la pynliem ïa ka Little Star English Medium SS (EWKH) da 4 kol. Bad khadduh ka Myngken Christian HSS (Ri-Bhoi) ka la pynliem suk ïa ka Okkapara Secondary School (SWGH) da 5 kol.
