Khliehriat, Risaw 19: Ka jingïalehkai phutbol 1st Division bala pynïaid da ka East Jaiñtia Hills District Football Association (EJHDFA) kaba la long mynta ka sngi ha madan Deinchynrum, Khliehriat.
Haba phai sha ka jingïakhun ‘Quarter Final’ ba khadduh mynta ka sngi naka liang ka kynhun ïalehkai jong ka Tpepswer SSWO kala lah ban pynliem da 1-0 ïa ka Byndihati SC, ïa katei ka shi kol na ka Tpepswer SSWO la theh da u Danny Shylla haka minit ba 29. Lyngba kane ka jingjop ka Tpepswer SSWO kala ïoh ban rung sha ka jingïakhun Semi Final jong kane ka lympung.
La pyntip ïa ka jingïakhun ‘Semi Final’ jong kane ka kyrdan 1st Division EJHDFA kan long haka 23/10/2023 haka por 1 baje nohphai sngi hapdeng ka kynhun ïalehkai jong ka Chiehruphi SYWSC pyrshah ïaka Khliehriat West FC. Katba haka 24/10/2023 haka juh ka por ka Ladrymbai B.SC kan ïakhun pyrshah ïa ka Tpepswer SSWO.
