Nongstoiñ, Jymmang, 25: U Superintendent of Police ka West Khasi Hills District, Nongstoiñ u la pyntip ba u Bah Kresh G Marak u ba na ka shnong Wahthre, Shallang, West Khasi Hills District u la wan ban ai ïa ka jing ujor ba ka lok jong u ka Pronitha Ch Sangma, 35 snem karta bad ka khun ka Achana Ch Sangma, kaba 10 snem ka karta, ki la jah naduh ka 15 tarik u Jymmang, 2023 bad haduh mynta ym pat ïoh jingtip shano ki la jah.
Ka Pronitha Ch Sangma, ka don ïa ka rynieng ba 4 feet 6 inches, shai snieh doh bad ha ka por ba ka jah ka phong ïa ka blouse rong pink bad muffler rong soh noamtra bad ka khun ka Achana Ch Sangma ka don ïa ka rynieng ba 3 feet ei ei, shai snieh doh, kham raikhoh bad ka phong ïa ka blouse rong pink ha ka por ba ka jah.
