Shillong, Naitung 29: Ka khubor ba la ïohlum la ïathuh ba arngut ki samla lud kila jah rngai na ka thaiñ Dalu naduh ka 27 tarik Naitung, 2024 bad ïa kane ka jingjia la pyntip ha ka sngi nyngkong sha ki Pulit ka Women Police Station ha Dalu, West Garo Hills.
Ïa kane ka ejahar la mudui da ki kmie kpa jong kine ki arngut ki samla lud ba kyrteng ka Chidilsa A Marak ba 18 snem lem bad ka Chonkamchi A Marak ba 19 snem. Kine baroh arngut ki dei na ka shnong Adugachol, Dalu.
Shuh shuh ha ka ejahar, ki kmie kpa ki la pyntip ba ki khun jong ki, ki la jah na Adugachol West Garo Hills District.
