Jah ka Kong Imonhiphi Pala ha ka shnong Mawryngkneng

0

Shillong, K’Lyngkot 22: Kawei ka longkmie ia kaba la tip kyrteng kum ka Imonhiphi Pala, 38 snem ka rta kaba shong basah ha ka shnong Mookyndeng,West Jaintia Hills, ka la jah naduh ka 21 tarik Kyllalyngkot, 2024 ha ka shnong Mawryngkneng, East Khasi Hills District katba ki bahaiing hasem ki dang thmu ban leit shim dawai ia kane ka longkmie sha Sanker, Mawlai Mawroh, Shillong.
Ka Kong Imonhiphi Pala ka la jah ha ka por kumba 10:00 baje eiei mynstep ha Mawryngkneng hadien ba ka la hiar na kali na ka bynta ka jingdonkam jong ka met bad katkum ka jingiathuh jong ki bahaiing hasem ka Kong Imonhiphi Pala ka dei kaba don jingshitom bad ki bahaiing ki dang thmu ban leit phah sumar ia kane ka longkmie ha Sanker, Mawlai Mawroh.
Ka Kong Imonhiphi Pala ka phong da ka jain pien rong saw bad sweater rong brown bad ki bahaing hasem ki kyrpad ba lada don kino kino kiba iohi kin sngewbha ban pyntip da kaba telephone ha kine ki mobile number:7005695919 bad 9560667281.

Leave A Reply

Your email address will not be published.