Shillong, Jymmang 12: Kawei ka khynnah 17 snem ka rta ba na Lumparing, kala jah rngai bad khlem wan phai ïing shuh naduh ka 11 tarik Jymmang ha ka por 4 baje janmiet.
Kane ka khynnah ha ka por ba jah ka phong ïa ka sweter rong blue bad lieh, patlun rong pink bad ka slipar rong jyrngam.
Ïa kane ka pyntip da u Superintendent of Police ka East Khasi Hills Bah Vivek Syiem haba kyntu ïa kino kino ki briew kiba don jigntop ne iohi ïa kane ka khynnah ba kin sngewbha ban pyntip sha ki Pulit kham kloi kat ba lah lyngba kine ki nombor- 1, Police Control Room – 6009196479 2, Missing Desk (Crime Branch) – 8837282114.
U SP u pyntip ba don ruh sa uwei u rangbah bala 37 snem ka rta, uba la jah rngai nala ïing na Mawlai Mawtawar naduh ka 7 tarik Jymmang ha ka por 8 baje mynstep.
Une u Rangbah u kyrteng u George Micheal Dkhar haba pyntip ba u dei ruh uba don ka jingpang ha ka jingbym biang ka bor pyrkhat pyrdain.
