Shillong, K’ Lyngkot 02: Kum shi bynta ban pynbha bad kyntiew ïa ki lad sumar ha kane ka thaiñ shatei lammihngi, ka North-Eastern Hill University (NEHU), Shillong, ka la ïohpdiang ïa ka jingïarap pisa kaba T. 16.5 klur na ka sorkar pdeng na ka bynta ka tnat Biomedical Engineering ban pynkhlaiñ ïa ka medical device sector bad ïa ka advance biomedical research.
Ka Ministry of Chemicals and Fertilizers, lyngba ka tnat Pharmaceuticals, ka la mynjur ban ai ka pisa kaba T.14 klur kaba hapoh ka “Capacity Building and Skill Development in Medical Device Sector” sub-scheme. Kane ka dei shi bynta na ka bynta ban pynkhlaiñ ban pynbha ïa ki tiar dawai ne ka “Strengthening of Medical Device Industry” kaba dei kaba sdang na ka bynta ban kyntiew India local medical device ka lad ban tiew ïa ki tiar, ka ban pynduna ïa ka jingwan ki tiar ba la shalan na ka shabar, bad kaba phai khmat ruh ban kyntiew ka jingïakob ha ki kam khaïi ha ka pyrthei.
Da kane la ong ba ka NEHU kan wanrah ïa ka Master of Technology (M.Tech) program ha ki Medical Devices bad ka Diploma ha ka Medical Device Manufacturing bad ka jingbha jong ki tiar kiba long kiba jur bha ki jingdawa ka ban long kaba myntoi ban kyntiew ïa ki sam.
Kane kan ailad ruh ïa ka jingïatreilang hapdeng ki karkhana, ki jaka hikai ïa ka koit ka khiah bad ki samla pule bad kiwei ki kam kiba kongsan.
La ong ruh ba ka Ministry of Science and Technology, lyngba ka tnat Science and Technology (DST), ka la mynjur ban ai ka pisa kumba T 2.55 klur hapoh ka Fund for Infrastructure in Science & Technology (FIST) program. Kane ka pisa kan kyrshan ban pynmih ïa ka laboratory na ka bynta ban leh ïa ki kam wadbniah ha ki biomedical technology, ka Advanced Research Facility. Ha kane ka laboratory bathymmai kan don ïa ka Confocal Microscope bad ka Raman and Photoluminescence Spectroscopy, nangta ka Multielectrode Array System na ka bynta ki kam pule electrophysiological, bad kiwei.
Ha kaba ïadei bad kane ka bynta na ka liang ka NEHU ka la ïaroh ïa ki jingpyrshang jong Prof. Md. Iftekhar Hussain, Dean of the School of Technology, bad Prof. Sirsendu Sekhar Ray, Department of Biomedical Engineering, kiba la nohsynniang ban pynïoh kane ka jingïarap bad ban pyntreikam ïa kine ki project.
