Ïoh pdiang ka Kongthong ïa ka khusnam Best Tourism Village na ka sorkar India

0

Shillong, Nailur 27 : Ka Shnong Kongthong, ka shnong kaba don ha ki thain Khat-ar Shnong hynne ka sngi ka la ïoh pdiang ïa ka khusnam Best Tourism Village ha ka National Tourism Award 2023 na ka Ministry of Tourism ka sorkar India kaba long ha Bharat Mandapam, Pragati Maidan, New Delhi.
Ïa kane ka khusnam la aiti sha ka Shnong Kongthong da u V Vidyavathi, IAS, uba dei u Secretary ka Ministry of Tourism, ka Sorkar India haba ai ka jingithuh ïa ka jingpyrshang ba radbah jong ka Shnong ban kyntiew ïa ki kam jngohkai bad ban pynneh pynsah ïa ka riti dustur u u menbarim.
Ka Shnong Kongthong kaba don ha ka thain Khat-ar Shnong ka dei kaba la tip ruh kum ka ‘Whistling Village ka Ri India’.
Ha ka juk kaba ki briew ki ju ïakren ïakhana lyngba ki mobile phone, hynrei ki nongshong shnong ka Kongthong pat ki pyndonkam da ki sur khot ïawbei ba shu kynud sur jingrwai, ban ïakhot hapdeng jong ki sha lum sha wah.
Kane ka dei ka rukom ba kila leh naduh hyndai hynthai kaba la pynlong ruh ïa kane ka Shnong ban pawnam ha satlak ka pyrthei watla ka dang don tang kumba 750 ngut ki nongshong shnong.

Leave A Reply

Your email address will not be published.