Ïoh kurup kyiad pyrsi ki samla bad ki seng da ki spah litar ha ka Shoing Umsohphria ha Ri Bhoi

Nongpoh, Naiwieng 06: Ki nongïalam ka Seng Samla Shnong Umsohphria bad kynthup ki lai seng ka KSU, FKJGP bad ka RBYF Western Zone ha ka miet Sngi Thohdieng ki la ioh ban kurup da ki spah litar ka kyriad pyrsi ba thmu ban die beaiñ sha ka thaiñ Umsohprhia ha Ri Bhoi.
Ki nongïalam ka seng samla bad ki nongïalam kitei ki lai seng ki la ioh ban bat ïa ka kyiad ba thmu ban shalan tuh ka dei hadien ba ki la ioh jingtip ba la don ka Kali kaba kit ïa ka kyiad bad ka jingpynap shrip ki la ioh ban bat ïa katei ka Kali bad haba la talasi la lap ba katei ka Kali ka kit shisha ïa ka kyiad pyrsi.
Katei ka Kali kaba la kit kyiad kumba la ioh bat da ki Samla bad ki seng ka dei kaba don ïa u number ML 05-U-4988 bad la kynnoh ruh ba katei ka kyiad ka dei kaba wan kit na ka thaiñ Sohiong ban dei beaiñ pat sha ka thaiñ Umsohphria ba hap ha ka thaiñ Patharkhmah ha Ri Bhoi District.
Kumba la ïathuh da kitei ki nongïalam ki 3 seng bad ki Seng samla ka shnong Umsohphria la ong ba hadein ba la ioh kurup ïa katei ka kyiad pyrsi da ki spah litar, ïa katei ka Kali bad u trai ba kit ïa katei ka kyiad la aiti noh sha ki Pulit ka Patharkhmah Police Outpost ban leh ïa kaba donkam katkum ki kyndon aiñ.